Taian Areru 122 - Kiribati New Version Bible

(Te Anene N Ararake iroun Tawita)Kamoamoaan Ierutarem

1I kukurei ngke a kaangai nako iu,

Ti a nako n te Tembora are ana

auti te UEA.

2Ae ti a roko iai, ao ti a tei ngkai i

nanon oon Ierutarem!

3Ierutarem bon te kaawa ae kateaki,

b'a neia aomata ni bobotaki.

4A roko iai baronga nako, ake ana baronga te UEA,

B'a a na katituaraoa iai te UEA,

n ai aron ana taeka nakoia Iteraera.

5Ana kaintokanuea Tawita e mena ikai

ike tautaeka iai te motikitaeka ae eti.

6Ierutarem, ti na tataro

b'a ko aonga n rau:

ao a na bane n tekeraoi

akana tangiriko.

7E bia teimatoa te rau

i nanon oon am kaawa ni kabaneia

ao i nanon am bareti nako.

8I bukiia au koraki

ma raoraou,

ao N na tataro b'a e na reke te rau iroumi.

9I bukin ana auti te UEA ae Atuara,

ao N na bon m'akuri

i bukimi b'a kam na tekeraoi.