1E uea te UEA; e na kukurei aonnaba!
A na kim'areirei abam'akoro aika bati!
2E otab'aniniaki rarikina n taian nang ma te roo;
E tautaeka n te raoiroi ma te eti.
3E ri moana te ai
ao e kabuokiia aiana aika katobibia rarikina.
4E kaota aonnaba ana iti;
e noria aonnaba ao e m'aeiei.
5A riki n ran taiani maunga, n ai aron nenean te taura te nenea,
i matan te UEA ae Uean aonnaba ni bane.
6A kaotiota ana raoiroi taiani karawa;
ao a bane n nora mimitongina botannaomata nako.
7A na bane ni kamaamaaeaki akana taromauri bouannanti;
Akana kainikatonga i bukiia antiia aika bouananti;
A bane anti ni bobaraaki n taromauria te UEA.
8A kukurei kaain Tion,
ao a kim'areirei kaaini kawan nako Iuta
i bukin am Moti, te UEA.
9Bia Ngkoe, te UEA, Ko tautaeka i aonnaba ni bane;
Ko rangi ni kakannato nakoia anti ni kabaneia.
10B'a E tangiria akana riba te buakaka te UEA;
E kawakini maiuia ana botannaomata;
E kamaiuia mai nanoni baiia akana buakaka.
11E oota raoiroin te Atua b'a kanga ootan te taura i aoia ana Aomata aika raoiroi;
Ao e karika te kim'areirei nakoia.
12Ngkami akana kam raoiroi ni kabane, kam na kukurei
i bukini baika E a tia ni karaoi te UEA!
Kam na ururing baike E a tia ni karaoi te Atua
are tabu, ao katituaraoia.
Who We AreWhat We EelieveWhat We Do
2025 by iamachristian.org,Inc All rights reserved.
