Iakobo 1 - Kiribati New Version Bible

Taeka ni Kamauri

1 are akea i rouna te bibitaki are e na reke mai iai te nu ae roo.

18E karikira n oin nanona, n te taeka are te koaua, b'a ti na riki b'a kanga moani-b'ai i buakoia akana karikaki i rouna.

Taan Ongo ao Taan Toua Mwin ana Taeka te Atua

19Tariu aika kam tangiraki, kam na ata aei: a riai aomata nako n aki tab'ara n ongora, a na aki waekoa ni kan taetae, ao a na aki kakai un;

20b'a unin te aomata e aki kona ni karaoa nanon te Atua.

21Ma ngaia ae kam na kaaki aromi aika kam'ara ma kateimi ni kabane aika bubuaka, ao kam na kaaki i nanomi ma te nimamannei te taeka are unikaki are kona te kamaiungkami.

22Kam na aki m'am'anaingkami n iangoia b'a ti taan ongora ngkami n ana taeka te Atua; ma kam na riki b'a taan toua mwina.

23B'a ngkana e ongo ana taeka te Atua te aomata n aki toua mwina, ao ai aron te aomata ae tirotiroia n te tirotaam:

24b'a e tirotiroia, ao e nako, ao e a m'aninga naba ngkekei tein taraana.

25Ma ane taratara te tua are moanibaan te raoiroi, are tuan te inaomata, n teimatoa iai, ngkai tiaki te aomata ngaia are e ongo ao i mwina e m'aninga, ma te aomata are karaoa nanon te baere e ongo, ao e na kakab'aiaki n are e na karaoia.

26Ngkana e taku temanna b'a e taua te Aro, ao e aki kona n taua tian ana taeka, ao e boni m'am'anaia i bon i rouna, ao akea nanon tauan te Aro i rouna.

27Aio te Aro ae itiaki ae aki kam'ara i matan te Atua ae te Tama: bon tararuaia akana a mate tamaia ma aine aika a mate buia ni kain nanoia; ao te kawakinna te aomata b'a e na aki baareka ni b'ain aon te aba.