1Ma n te kaitiua n nam'akaina are Titiri, ao e roko Itimaera i Mitib'a ma tautia aika tengaun, Bon temanna ngaia ngkoa ana mataniwi te uea ao bon kaain te utu ni uea naba ngaia. A kaoaki Itimaera ma ana mm'aane b'a a na am'arake ma Ketaria.
2Ao i nanon tain te am'arake, ao Itimaera ma ana tautia a tiringa Ketaria are e rineaki i roun uean B'aburon b'a e na tautaeka i aon Iuta.
3Ao i mwiina, a tiringiia taian Iutaia ake raon Ketaria, ao a bon tiringiia naba tautian B'aburon ake a mena ikekei.
4N te bong are i mwiina, e bon aki kuneaki naba taan tiritiri,
5ngke a roko waningaun mm'aane n te kawai are e nako Mitib'a man te kaawa are Tekem, Tiro, ao Tamaria. Bon i aon kawaia nakon te Tembora b'a a na anga aia b'aintangira te uita ao taiani kaboiarara nakon te UEA. A a bon tia ni koroi buaia, ao a raeraei aia kunnikai, ao a korokoroi rab'ataia, i bukina ngke a tang.
6E otinako Itimaera man mataroan te kaawa ni butim'aia. E bakaaea te tang, ao e butiia b'a a na nako Mitib'a ni kaaitibo ma Ketaria, are te tia tautaeka i Iuta.
7Ao i mwiin riniia n te kaawa, e tuangiia ana tautia Itimaera b'a a na tiringiia ma ni karenako rab'ataia i nanon te m'anib'a.
8E kamaiuia tengaun mm'aane mai buakoia, b'a a na anganganna taian uita, taiani b'aare, b'aan te oriwa, ao ana karewe te manibeeru ake a karabai i nanon te tawaana.
9Te m'anib'a are a kaakarenako ia aia mate iai bon te m'anib'a ngkoa are e kenaki i roun Uean Iuta are Ata i bukin nnen te karau, b'a e maaku ngkoa ngkana e roko te Uea are B'aatia are uean Iteraera ni katobibia Mitib'a man tauia aomata i nanona b'a a na aki karekea aia ran.
10Nebutaratan, are mataniwiia ana taanga ni buaka te uea are Nebukaneta a tia ni katuka natin te uea are Tetekia te aine ao aomata aika a m'aiti i Mitib'a, ao a katuka Ketaria b'a te tia tararuaia. Ma n te tai aei, e kabaneia ni uotiia nako Itimaera b'a taenikai ao e kairiia ni kaineta Ammon, ni iteran te Karaanga are te Ioretan are te iterana.
11Ao e ongo Ioanan ma aobitia ake te korakina n te taanga ni buaka te b'ai are e a tia ni karaoia Itimaera.
12Ma ngaia are, a m'ananga ma aia taanga ni buaka ni kaeia Itimaera ao a reke irouia n te m'anono ae e buubura i Kibeon.
13Ao ngke a nooriia Ioanan ma ana aobitia, ana bure Itimaera ao a kukurei
14ao a rairaki ni biri nakon Ioanan.
15Ma a biri nako Itimaera ma mmm'aane ake waniman nako Ammon.
Iangoan Kairakiia Aomata Iroun Ioanan Nako Aikubita16A a tia Ioanan ma ana aobitia ni kamaiuia aine, ataei, ao ana mataniwi te uea ake e uotiia nako Itimaera b'a taenikai i mwiin tiringakin Ketaria. E kairiia aomata Ioanan mai Kibeon
17-18ni kaineta Aikubita. A tangiria n nako ikekei, b'a a maaku b'a tera ae a na karaoia kaain B'aburon nako ia ngkana a ataia ae e a tia n tiringaki Ketaria i roun Itimaera are e a tia n rineia te uea are NebukanetaAia Buubuti Aomata Nakon Ieremia B'a E Na Tataro I bukiia
Ti tiku ni kaawan Keruta Kimam are e mena i rarikin Betereem i aoni kawaira nako Aikubita.
Who We AreWhat We EelieveWhat We Do
2025 by iamachristian.org,Inc All rights reserved.
