1E nang uoti nako b'aai ni kabane
te UEA ae Moan te M'aaka
aika b'aai aika kam tangiri
mai Ierutarem ao Iuta
ami kariki ma ami ran,
2tautia ma aomata aika a kakannato,
taani moti ao burabeti,
taani kairiiri ao aobitia n te taanga ni buaka,
3mataniwi ao taani iango,
taani kaiwa,
ao koraki riki tabeua
ake a konaa n taekin kanoan boong aika a na roko.
4E na karikiia naati ao ataei
b'a taan tautaeka.
5Ane kam na iowawa n tatabemaningkami nako
nakoia raoraomi ao kaain rarikimi.
Ane a na taetae ni kamatauningaiia aia ikawai
aomata aika a uarereke;
ao bon akea ae e na karineia
aomata aika a bon riai n aki karineaki.
6Ao ane a na taumatoaia
aia koraki tem'angina mani kaangai,
“Iai ngkoe kunnikaim
ma ko nang riki b'a ara tia kairiiri
ao ko na tautaekani
b'ariko ni b'ai aika a uruaki aikai.”
7Ma ane e na kaangai kaekaana,
“Bon akea te b'ai ae I konaa ni karaoia nakoimi.
Kam na aki karikai b'a ami tia kairiiri.
Bon akea nikiran te am'arake ke te kunnikai n au auti.”
8Ierutarem ma Iuta,
kam kakaitaraa
ami UEA ae e mimitong
e boni kab'akai ngkami
ami taeka ma ami m'akuri.
9Taraan moamoami e oti iai
b'a ti te bo ami bure ma kaain Tootom,
ao kam aki kataia ni karabaa.
Kam a reke n te kaangaanga,
ao kam a bon tia ni katokai
i aomi ni kabane.
Te Tia Kairiiri Ae E Kaairua10Tuangiia aomata aika a ongotaeka iroun te Atua ni kaangai,
“Kam rangi n tekeraoi
kam na anganaki kaniwangami
i bukin te b'ai ae kam a tia ni karaoia.”
11Tuangiia aomata ake a aki ongotaeka iroun te Atua ni kaangai,
“Kam a reke n te kaangaanga ae moan te buubura
E na manga riki nakoimi
te b'ai are kam a tia ni karaoia nakoia tabem'aang.”
12E ngae ngke a na aomata te Atua ngkami,
ma kam tautaekanaki ma ni kabuakakaaki
irouia aine ma ataei.
kam kamangaoaki irouia taani kairiiri
aika a kairingkami
rikaaki n te kawai ae e kaairua.
13E a tauraoi te UEA ni bukiniia
ao ni motikititaekaia botannaomata ni kabaneia.
14E na bon motikitaekami naba
ngkami taan tautaeka ao taani kairiiri
i aoia ana botannaomata.
Kam tiringa arokana taiani kureebe
ao kam kaon ami auti nako
ni b'aai aika kam kimoai mairouia aomata aika a maiu ni kainano.
15E taku te UEA ae Moan te M'aaka,
“Kam a tia ni kamanatuaia au aomata
mani kabaarekai
mataia aomata aika a maiu ni kainano.”
Ainen Ierutarem16E taku te UEA:
A kamoamoa
ainen Ierutarem
ao a aiwaa n aki akaaka,
ma ni kamatararaoia.
A karin i waeia b'aai aika a kekekeke
ni katika mataia aomata
n te kawai are a nakonako iai.
17Ma N na kaon atuuia
Ngai ae te UEA n taiani kinaka,
ao N na kaaki
karabaan rab'ataia.
18Ngkana e roko te bong arei, ao N na uotii nako aia b'ai ni katikiraoi aika a rangi n tamaroa aine aikai ake a karin i waeia,
19atuuia, roroaia, taningaia, anganibaiia, b'airiia, tabonibaia, ao i aon kunnikaiia.
20N na kanakoi rabunan mataia,
21roon nukaia, aia boiarara, aia b'aa n tabunea,
22niiniiraia ni uea, ao kunnikaiia ni kabane aika a tikiraoi,
23b'araia, ao aia b'auti ni m'ane.
24A na oneaki mwiin taiani boiarara
n taiani boiraa;
a na oneaki mwiin taian roo n nuuka,
n taian roobu;
a na oneaki mwiin taian irannatu aika a biraki
n taiani mara n atu.
A na oneaki mwiin kunnikai aika a boobuaka
ni kunnikai aika a raeraeaki;
A na oneaki mwiin te botanaine,
n taiani m'akam'aka aika a buakaka i aon rab'ataia.
25A na tiringaki m'anen Ierutarem
ake taani buaka n te buaka.
26E na tanginiwenei te kaawa ae e buubura
ao a na tekateka i aon te baareka,
ao a na akea kaaina.
Who We AreWhat We EelieveWhat We Do
2025 by iamachristian.org,Inc All rights reserved.
