1I tangiriko te UEA,
B'a ko ongo b'anaan au tataro.
2Ngkai ko ongo b'anaau, ao N na aki
toki ni weteiko
ngkai i teimatoa ni maiu.
3I otab'aniniaki ni kabuanib'ai
aika N na mate iai;
E taonai kakamakun te mate;
e korakora maku ma nakon nanou.
4Ma ngaia are I wetea te UEA,
“I butiko, te UEA, kamaiuai!”
5E akoi te UEA, ao E raoiroi;
E nanoanga Atuara.
6E kakawakiniia akana akea aia kona ni buokiia i bon irouia te UEA;
ngke I reke n te kaangaanga,
ao E kamaiuai.
7E tararuai ma te nano n akoi,
n te aro are n aki
manga raraoma.
8Te UEA, ko a tia ni kamaiuai
man te mate;
Ko katoki rannimatau
ao ko kawakinai b'a N na aki b'aka.
9Ma ngaia ae N na nakonako ni iteram
n te aonnaba aio ike a mena iai akana maiu.
10I teimatoa n onimaki,
e boni ngke I a kainano ni maraki,
11Ao ni mangaongaon au iango ao i kaangai,
“Akea ae I kona n onimakinna!”
12Tera ae N na angan te UEA
b'a boon ana akoi ni kabane nako iu?
13N na uota te wain b'a au karea
nakon te UEA,
ni katituaraoia
i bukini kamaiuakiu
i rouna.
14N aia tai ni bootaki ae ab'ab'aki ana Aomata,
ao N na kakoro bukini baike I a tia n atong ake au taeka ni bau b'a N na karaoi.
15Ai rawaawata ra nanon te UEA
ngkana e mate temanna
irouia ana aomata.
16I neboiko, te UEA;
n ai aron are kakaraoia tinau.
Ko a tia ni kamaiuai man te mate.
17N na anganiko te karea ae kaotan
au katituaraoi nakoim,
Ao N na tataro nakoim.
18N na kakoro bukini baike I a tia n atong n au taeka ni bau nakon te UEA
ngkana a bootaki am aomata
19i nanon te Tembora
are ana Auti te UEA i Ierutarem.
Kam na neboa te UEA!
Who We AreWhat We EelieveWhat We Do
2025 by iamachristian.org,Inc All rights reserved.
