Ebera Taekan te Reta Aei - Kiribati New Version Bible

Taekan te Reta AeiE koreaki te reta aei nakoia Kristian ake a kaitaraa ma te kanganga are a kona ni kaki iai aia onimaki ni Kristian. E kaungai nanoia te tia korea te reta aei b'a a aonga n teimatoa n aia onimaki; ao e katereterea b'a Iesu bon Natin te Atua ma ngkoa ao n taai nako, are E reireiaki aron te ongeaba nakon te Atua n te maraki ma te karawawataki are E taona nanona nako iai. Ngkai Natin te Atua Iesu, ao E a moamoa riki arona nakoia burabeti n te O Tetemanti, ao nakoia anera, ao nakoni Moote. Bon te Ibonga Ngaia ae akea tokina. Ane e onimakina Iesu ao e na kamaiuaki man te bure, te maaku, ao te mate; ao Iesu, ngkai te ibonga ae kakannato Ngaia, E na karekea nakon te tia onimaki te kamaiu ni koaua, are kaotiotaki bannana n taian aro n anga karea ma taromauri ake kanoan te Aro n I-Iutaia.E a taekiniia aomata ake taan onimaki te tia korea te reta aei b'a buokan aia onimaki te koraki ake a kaantaningaki b'a taani warekia, b'a a na teimatoa n aia onimaki ni karokoa te toki. A na taratara aron Iesu n taai nako, ao a na nanom'aka n taotaon nanoia i nanon aia tai ake a kaitaraa iai ma taiani kanganga ma maraki. N tokin te reta aei, ao a noraki iai taeka ni buobuoki, ma taeka i bukini baika a na kawakinia maiai taani wareware.Oi n iango i aon te boki aeiAron Natin te Atua ni Kakannato 1.1-4

E Kakannato riki Iesu nakoia Anera 1.5—2.18

E Kakannato riki Iesu nakoni Moote ma Iotua 3.1—4.13

Te Ibonga ae Kakannato bon Iesu 4.14—7.28

Te Boraraoi ae Raoiroi riki ae reke iroun Iesu 8.1—9.22

Iesu b'a te Karea Ngaia n te tai ae ti teuana ao akea riki, ao i bukiia Aomata ni Kabaneia 9.23—10.31

Ana Aomata te Atua Tem'angina aika Taan Onimaki 11.1-40

Te Katotonga aron Iesu 12.1—13.19

Kabanea n Tataro ao Taeka ni Kamauri 13.20-25