1N te bong teuana ao E taetae te UEA nakon Iona are natin Amitai.
2E taku, “Naako nako Ninewe are te kaawa are e rangi ni buubura, ao taetae n eekiianako; I noori aia m'akuri aika a rangi ni buakaka kaaina.”
3Ma e teirake Iona ni birinako mairoun te UEA n te kawai teaina. E nako Iob'a ao e nora te kaibuke ae e na borau nako Tibein (Taretiti). E kab'aka kantokana ao e toka i rarikiia kaimoa b'a e nang kaea Tibein, te tabo are e taku b'a e na raroa iai mai roun te UEA.
4Ao te UEA, E kabuakaa marawa n te ang ao e korakora, ao e a kan uruaki te kaibuke ni korakoran te buaka.
5Ao a maaku kaimoa ao a tang ni kan buokaki, temanna nakon antina, ao temanna nakon antina. Ao a karenakoi kanoan te kaibuke i taari, b'a e aonga ni bebete riki te kaibuke. Ao e a kaman ruo Iona ni wene i kabin te kaibuke ao e matu iai.
6Ao e noria te kaaben ao e taku nakoina, “E aera ngkai ko karauko ni matu? Teirake, ao tataro nakon Atuam b'a E na buokiira, b'a tao E na nanoangaira ni kamaiura.”
7A i taetae kaimoa temanna nakon temanna, “Ti na kaiwana te buaka aei b'a antai ae e na bukinaki n te kangaanga aei.” Ao a kaiwa, ao e b'akara Iona wiian te kaiwa.
8Ao a taku nakon Iona, “Ko na tuangiira! Antai ae e na bukinaki n te kangaanga aei? Tera nakoam? Tera ae ko karaoia ikai? Ko roko ma ia? Ao kain ia ngkoe?”
9Ao e kaeka Iona, “te Ebera ngai, ao I taromauria te UEA ae Atuan karawa, ae E karaoa aonnaba ma marawa.”
10Ao e kaotia naba Iona b'a e birinako mairoun te UEA. Ao a maaku kaimoa ao a taku nakoina, “Ai kakamaakura te b'ai ae ko karaoia!”
11Ao e rikirake korakoran buakan marawa. A taku kaimoa nakoina, “Tera ae ti na karaoia ngkai nakoim b'a e aonga n toki te buaka?”
12Ao e taku Iona, “Karenakoai nako taari ao e na toki te buaka; b'a I ataia b'a e roko te ang ae korakora aei i aomi i buku.”
13Ma, a bon kabanea moa korakoraia kaimoa ni bwetua ni iangoa rokoia n te aba, ma e rikirake riki korakoran te buaka n te aro are a aki ataia b'a a mena ia.
14Ngaia are a tang nakon te UEA, “Ti tataro nakoim te UEA b'a Ko na aki katuaaira i bukin kamatean te aomata aei! Boni Ngkoe te UEA, ae Ko kariki baikai ni kabane. Bon am m'akuri baikai.”
15Ao a ana Iona ao a tewea nako marawa, ao e a karina naba n raoi.
16Ao a maaka te UEA kaimoa ao a anga karea nakoina, ao n tuea b'a ana m'akuri i bukina.
17Ao e kab'autaki Iona n te ika ae e buubura n ana babaaire te UEA, e mena i biroton te ika tenua te ngaina ao tenua te tairiki.
Who We AreWhat We EelieveWhat We Do
2025 by iamachristian.org,Inc All rights reserved.
