1Ti kawenei ara babaaire ngaira aika aomata,
ma e mena iroun te UEA
te kabanea n taeka.
2Ti na taku n ara iango b'a ti atai
etin b'aai,
ma bon te UEA te tia motikitaeka
nakon oin bukin rikin baika ti karaoi.
3Butiia te UEA b'a E na kakab'aia am babaire,
ao e na bon kakororaoa nanona.
4Bon iai bukin b'aai nako
aika e karaoi te Atua,
e kamaiuia aomata aika a buakaka
ti i bukin katuaaeaia.
5E aki tangira te aomata te UEA
ae e rangi ni kainikatonga.
6Ngkana ti tangira te Atua ma nanora ni koaua
ao a na kab'araaki ara bure;
ngkana ti kaota karineana,
ao ti na kararoaira man te bure.
7Ngkana ti kakukureia te UEA
ao a na bon kan raoraoniira naba
ara kairiribai.
8E raoiroi karaoan ae e raoiroi
ao kam kainano
nakon ae kam aki karaoa ae e raoiroi
ao kam kaub'ai.
9Ti karaoi ara babaaire,
ma bon te UEA ae e baairei kawaira
ake ti na nako iai.
10A taetae ma te m'aaka taan tautaeka
ao a aki konaa ni kaairua.
11E tarataraira man noorira te UEA
ngkana ti karaoa ae raoiroi
ke ni m'am'anaia tem'angina.
12E karikia taan tautaeka b'a a na korakora ni karaoan ae e eti.
A na riai n ribaa te buakaka
13ao a na tangira karaoan ae e raoiroi ao te koaua.
14E konaa n tiringko
te tia tautaeka ae e unun.
Ma ngaia ae kam na kawanawanai ngkami.
Kam na aki kauna temanna.
15Ngkana e kukurei te tia tautaeka
ma ni kukurei iroum,
ao kaanga ai aron manga b'akan te karau,
ao kam na maiu.
16E rangi n raoiroi b'a kam na wanawana
ma ni iango raoi
nakon ae kam na kaub'ai.
17E tuuki kawai aika a buakaka ana aomata te Atua,
ao a kaawakiniia
n tarataraa raoi kawaia are a nako iai.
18E na bon uruana aromi
te kamoamoa ae e bati.
19E raoiroi riki ngkana
kam nanorinano ao kam kainano
nakon ae kam na kaub'ai
mani b'aai aika kam anai ma te kairoro.
20Ngkana kam ataa te b'ai ae kam karaoia,
e na mari maium.
E kakab'aiaia aomata nako te Atua
aika a onimakinna
21Te motikitaeka ae e eti e kakoauaa
b'a kam wanawana,
ao ngkana kam taetae n akoi,
ao kam konaa n reireiia tem'angina.
22Te iango raoi bon te koburake n ran
ae e anga te maiu,
ma a katuaaeaki aika a nanobaba
ni bon nanobabaia.
23Kam konaa ni kairiia tabem'aang nakon nanom
ngkana kam wanawana
man taetae ma te iango raoi.
24Ti te bo taeka n akoi ma ana karewe te manibeeru
a kakukureiko
man anganiko namakinan te korakora.
25N tabetai te b'ai ae e taraa n raoiroi
bon te kawai nakon te mate.
26Korakorani bakim,
boni korakoran am m'akuri.
27A karaoi iango ni kakiriwe aomata aika akea bonganaia.
Ao bon ura naba aia taeka
kaanga te ai ae e m'aaka roiroi.
28E aki raoiroi te maningongoo!
E kariki taian namakin aika a buakaka
ao e urui reitakiia raao.
29Kam na aki onimakiniia aomata aika a tiritiri.
Ane a na bon kairiko nako
ni karaoa te b'ai ae e aki raoiroi.
30Ngkana iai ae e kakoea matana
ke n tenatenai wiina mai akuum,
ao e a kaan roko te kangaanga.
31Bon te baunuea ae mimitong te ira ae e iaia
ao e kabonganaaki irouia
aika a tia ni maiuakina te raoiroi.
32E raoiroi riki taotaonan unim
nakon te riki ni kakannato
b'a kam a tia n taua te kaawa teuana n te buaka.
33Ti konaa ni karaoi oin ara babaaire nako,
ma bon ti te UEA n ti ngaia
ae e baairei baika a riki.
Who We AreWhat We EelieveWhat We Do
2025 by iamachristian.org,Inc All rights reserved.
