1Tabeua te tai rimwi, ao Tawita e buakaniia kaain Biritia mani kataenikaiia. E taua aia kaawa are Kate ao kaawa ake a uarereke i rarikina nako.
2E kataenikaiia naba kaain Moaba Tawita, ao a tia ni kariaia b'a aia tia tautaeka ao a na kab'aab'akaa te roo n rab'ata nakoina.
3Ngke e kataia uean Tob'a are Ataretera n taua taekan te aba are i rarikin te Karaanga are Iuberetiti, ao e kawaria Tawita ni buakanna i Amata ao e kataenikaia.
4A reke iroun Tawita teuana te ngaa te kaanibuaka, itiua te ngaa taani buaka i aon taiani kaanibuaka, ao uabwi te ngaa tautia. Ao e katoaraaia ni kabane ma e ti katikui tebubua taian aoti.
5Ao ngke e roko te taanga ni buaka man te abanuea mai Tiria ake a roko mai Tamateko b'a e na buoka Ataretera, ao Tawita e tiringiia uabwi ma uoua tengaa mai buakoia.
6Ao i mwiina, e katikuia tabeua ana taanga ni buaka i Tamateko, ao e riki Tawita b'a te tia tautaeka irouia kaain ikekei, ao a kab'ab'akaa te roo n rab'ata nakoina.
N taabo nako ike e nako iai Tawita, ao e a bon buubuokaki naba iroun te UEA n anganna te tokanikai n te buaka.
7A uouoti aia otanga aika koora ana aobitia Ataretera, ma e anai Tawita man uoti rikaaki nako Ierutarem.
8A m'aiti naba taiani buraati ake e anai man te kaawa are Tib'ata ao Kun, are ana b'ai ngkoa Ataretera. Rimwi riki, e a kamanenai buraati aikai Toromon ni karaoa iai te boora are e rangi ni buubura are e aranaki b'a Taari, ao ni karaoi naba iai taiani boua ma b'ain nako nanon te Tembora iai.
9Bon kairiribai ngkoa uea ake Tou mai Amata, ao Ataretera. Ma ngaia are, ngke e ongo Tou ae e a tia Tawita ni kataenikaia ana taanga ni kabane Ataretera,
10ao e kanakoa natina te m'aane are Atoram ni kimarimariia ana tokanikai Tawita. Ao e uoti naba taiani b'aintangira Atoram aika a karaoaki man te koora, te tirewa, ao te buraonti.
11E angan te UEA b'aintangira aikai Tawita, n aron are e a tia naba ni karaoia nakon b'aai ake e taui n te buaka i Etom, Moaba, Ammon, Biritia, ao Amareka.
12Ao e kataenikaia aia taanga ni buaka kaain Etom Abitiai are natin Teruia n te M'arua are Taoro man tiringiia tebwi ma wanua tengaa man aia taanga ni buaka.
13Ao i mwiina, e katikuia ana taanga ni buaka i Etom, ao a kariaia kaain te tabo arei b'a e na uea Tawita i aoia.
Ao te UEA, e angan Tawita te tootokanikai n te buaka n taabo nako ike e nako iai.
Aikai ana Mataniwi Tawita(2 Tam 8.15-18)14Ao e tautaekana Iteraera ni kabutaa Tawita ma te eti ao te riai.
15Te mataniwi n te taanga ni buaka bon Ioaba are natin Teruia te m'aane; ao Ieotiab'ata are natin Airuta te m'aane bon te tia koroboki.
16Ao taiani ibonga bon Tatoka are natin Aituba te m'aane ao Abimereka are natin Abiata.
Ao te tia koroboki bon Tiawetia.
17Te mataniwi irouia taan tararua Tawita bon Benaia are natin Ieoiata.
Bon kabanea n rietaata n nakoaia natin Tawita ake m'aane.
Who We AreWhat We EelieveWhat We Do
2025 by iamachristian.org,Inc All rights reserved.
