1Ao e oki ma te rau Ieotiab'ata nakon ana bareti i Ierutarem.
2Ma e kaaitibo ma te burabeti are Ieu are natin Anani te m'aane i aon kawaina ao e taku Ieu nako ina:
Ngkai ko buoka te aomata ae e buakaka are Aaba, ao ko a tia n iraorao ma te aomata ae e ririiba te UEA. Ao ngkai, e un te UEA iroum!
3Ma ko aki buakaka ni b'aai ni kabane, b'a ko urui taiani boua aika a tabu ake a kabonganaaki i bukin taromaurian te anti are Nei Atera-are e kaotaki iai b'a ko a tia ni kataia n ongotaeka iroun te UEA.
Rineakiia Taani Motikitaeka Iroun Ieotiab'ata I bukin Karaoan Taian kaangaanga4E maeka Ieotiab'ata i Ierutarem, ma e aki toki ni m'am'ananga ri nanon abanueana, mai Beerateb'a are i maiaki nako meangin aaba ake a tabukibuki ake i Eberaim i maiaki. E maroroo ma aomata ao e tuangiia b'a a na okira te UEA ae Atuaia man taromauria, n aron are a tia ni karaoia aia bakatibu.
5E anganiia taani motikitaeka tabeia n taian kaawa ake a buubura ake a nonoaki i Iuta n tatabeua nako
6ao e taku nakoia:
Kam na taratara raoi ngkana kam karaoi ami babaaire n te kabowi, i bukina b'a bon ana aomata te UEA aomata aikai, ao ane e na bon ataa te b'ai ane ko baaireia.
7Ma ngaia ae, kam na karaoa ami m'akuri ma karineana ao kam na riai n ataia b'a e aki kariaia b'a kam na karaoa ae e aki eti nakoia aomata nako ke ni babakanikawai.
8Ao Ieotiab'ata e rineia naba tabeman kanoan Rewi, tabeman ibonga, ao tabeman taan kairiiri n taian utu, ao e rineia b'a a na m'akuri b'a taan motiki taeka i Ierutarem.
9Ao e taku nakoia:
M'akuri ma te kakaonimaki i bukin te UEA!
10Ane a na uoti taiani kangaanga nako imi kaain Iuta aika a irekereke ma taian tua, aika a reke ma aekakin bure nako, n ikotaki ma te tiriaomata. Kam na karaoi kangaanga aikai ao kam na tuangiia aomata b'a a na riai ni katoka te bure nakon te UEA, b'a e aonga n aki un ke ni katuaaea Iuta. Uringnga ngkana kam karaoi nanon taiani kaetieti aikai, ao kam na bon aki bukinaki iai ngkana iai baika a riki.
11Te aomata are e na anga te kabanea ni motiki taeka i bukin buure ake a irekereke ma te aro bon Amaria are te ibonga ae e rietaata. Ao Tebaria, are te tia kairiiri man te baronga are Iuta boni ngaia are e mena i rouna te kabanea ni motikitaeka i aon taiani bure ni kabane ake tabeua. Ao a na m'akuri nikiraia kanoan Rewi b'a am taan buobuoki. Ko na ninikoria, ao I tataro b'a e na buokiko te UEA.
Who We AreWhat We EelieveWhat We Do
2025 by iamachristian.org,Inc All rights reserved.
