1E taku te UEA, “Itaia, karekea te b'ai ae ko na koroboki i aona. Ao koroboki ni kabuuburai manin te ara ae, MAE-TARA-ATI-BATI.
2N na tuanga Uria are te ibonga ao Tekaria are natin Ieberekia b'a a na riki b'a taani kakoaua i bukin te baei.”
3I mwiin tabeua te tai, ao e a reke natira te m'aane mai roun buu, ao e taku te UEA, “Aranna b'a Mae-Tara-Ati-Bati.
4i bukina b'a i m'aain ae e konaa n taekina ae e kaangai ‘Mamma’ ke ‘B'ab'aa’, ao e na roko uean Aturia ni buaka man uotinako b'aai ni kabane aika a kakaawaki i Tamateko ao Tamaria.
5E manga taetae riki nako iu te UEA:
6A tia aomata aikai n aki butim'aea ranin Tiroa aika a raanga ni karaurau ao a tia ni kukurei ni kaaina ana itera te Uea are Retin ao te Uea are Bika.
7Ngkai N nang kanakoa uean Aturia b'a e na kaaitaraia ma korakoran ana taanga ni buaka, are e na buakaniia kaanga korakoran te Karaanga are Iuberetiti aika a taonako i mataniwiina nako.
8A na kaona Iuta aia tautia kairiribai kaanga te ieka ae e iabuti n roota te roroa.
Ma te Atua iroura.
E na taakin baina
ao e na kamanoa abara.
9Ngkami aika botannaomata aika ianena,
waaki nako ao katauraoi nakon te buaka.
ma ane ko na kamanatuaaki.
10Ikotingkami ao karaoi ami babaaire nako,
ane kam na konaaki
b'a e mena iroura te Atua.
11E tauai te UEA ni baina ae e korakora ao e taku:
I kauringko! Ko na aki katotoongia aomata aikai.
12Ko na tai boboota te iango ni kamangao ti i bukina ngke a karaoia, ao tai maaka te b'ai teuana, ti i bukina ngke a maaku.
13Bon ti Ngai ae ko riai ni maakua mani karinea. Bon te Atua ae e tabu Ngai, te Atua ae Moan te M'aaka!
14Biiri nako iu i bukin b'aai ni kamanoakimi. Bon Ngai te b'aa ae e kaai n kab'akaaki man kamaaeaki iai riin aban Iuta ma Iteraera.
15Bon te b'ai ni kam'ane Ngai are e na raweia kaain Ierutarem—-a na konaaki ma ni katikitikaki nako.
Itaia Ao Ana Reirei16A na riai ni kanikinaeaki au rongorongo man anganaki au reirei.
17Man te tai arei ni karokoa ngkai, ao I bon tiku naba n onimakina te UEA, e ngae ngke e a aki kukurei iroun Iteraera.
18Ngai ma natiu bon taian kanikina ni kauring nakoia Iteraera mai roun te UEA ae Moan te M'aaka, are e maeka n te Maunga are Tion.
19Ane a na kaangai tabeman nakoimi, “Naako kawariia taani kaiwa ake a wiwiirikiriki ke n titirakini tamneia maate. Ma e ngae n anne, ao e riai te botannaomata ni konaa n titirakina oin antina nako
20b'a tera ae e na karaoia.”
Bon akea mai buakoia aika a konaa n taetae n aron anne ae e na maiu ma n noora ootan te bong!
21A na minomino ni maraki ao a na rangi ni baki n te aro are a na karereantia aia uea ao antiia. Ao ngkana a kataia ni kakaaea buokaia mai karawa
22ao i aon te aba, e na reke nakoia te kiriwe ao te rotongitong, te kiriwe ae moan te kangaanga ao te rootongitong ae moan te korakora.
Who We AreWhat We EelieveWhat We Do
2025 by iamachristian.org,Inc All rights reserved.
