1Te Atua, e teimatoa nanou;
N na anene, ao n na katituaraoiko!
Uti, tamneiu!
2N na moana katangan au aabi ma au raea!
N na kauta taai.
3Te UEA, N na katituaraoiko i buakoia botannaomata,
Ao N na anenea karaoiroam i buakoia aomata.
4B'a e rota ae rietaata riki nakoni karawa am Atataiaomata,
ao e roti naang am Kakaonimaki.
5Te Atua, Ko na karineaki i etani karawa!
Ao e na mena mimitongim i aonnaba ni bane.
6Kamaiura ni m'aakam, ao ongo i roura:
B'a a aonga ni kamaiuaki aika tangiraki iroum.
7E a tia n taetae te Atua man ana Tembora ni kaangai,
“N au tokanikai ao N na tib'a Tekem
ao N na tib'atib'a nanon te m'arua are Tukota n anga nako.
8Bon abau Kireata, ao Manate naba;
b'aini kamanoan atuu Eberaim,
Ao Iuta boni kanikinaean m'akau n uea.
9Bon au beetin n uaati Moaaba,
ao I kare nako au kauniwae nako Etom,
b'a kaotan ae I a abanna.
N na keekee ni kaota ae I tokanikai i aoia I-Biritia.
10Ai antai ae na kairai nakon te kaawa are nonoaki?
Ai antai ae na kairai nako Etom?
11Te Atua, Ko a rawa iroura?
Ko a aikoa kan airi ma ara taanga ni buaka?
12Buokira n ara tai n aitara ma aiara;
b'a akea manenani buokara mairoun te aomata.
13Ngkana raora te Atua ao ti na tokanikai;
Boni Ngaia ae na kataea aia kai aiara.
Who We AreWhat We EelieveWhat We Do
2025 by iamachristian.org,Inc All rights reserved.
