Ruka Taekan te Boki Aei - Kiribati New Version Bible

Taekan te Boki AeiE a taekinaki n te Euangkerio aei b'a Iesu boni Ngaia kanoan te taeka n akoi, are E taekinaki iai b'a bon aia Tia Kamaiu te botannaomata ae Iteraera ao aia Tia Kamaiu kaain aonnaba ni kabaneia. E a kaotia Ruka n ana euangkerio aei, b'a ana m'akuri Iesu mairoun te Atua bon te tataekina te rongorongo ae raoiroi nakoia ake a aki kaub'ai; ao e on te boki aei n rongorongoia aomata aika kai nanoia n aaro nako. E otioti naba n te boki aei taekan te kim'areirei, ai moara riki ni m'akoro ake ni moan riki te boki aei ake a taekinaki iai taekani bungiakin Iesu, ao ni kabaneani m'akoron te boki, are e a taekinaki iai rieraken Iesu nako karawa. Bon te tia korea naba te boki aei are e korea te boki ae Aia M'akuri Taan Tuatua.Iai rongorongon te boki aei aika akea n Euangkerio ake tabeua n ai aron aia anene anera (M'akoro 2.13,14) ma rokoia taani kawakin tiibu iroun Iesu ngke E bungiaki (M'akoro 2.15-20), ma rokon Iesu n te um'antabu ngke te ataeinimm'aane (M'akoro 2.41-52), ma taian taeka ni kabotau ake taekan te I-Taamaria ae Raoiroi (M'akoro 10.25-37) ma te Nati ae Bua (M'akoro 15.11-32). E bati n otioti taekan te tataro, ma te Tamnei are Raoiroi, ma nneia aine i nanon ana m'akuri Iesu, ma kab'arani buure iroun te Atua.Oi n iango i aon te boki aeiTaeka i bukin te Boki 1.1-4

Bungiakin Ioane ma Iesu ao Rongorongoia ngke a uarereke 1.5—2.52

Ana m'akuri Ioane te tia B'abetito 3.1-20

B'abetitoan Iesu ao Kaririana 3.21—4.13

Ana m'akuri Iesu i Kariraia 4.14—9.50

Kabanea ni Wiiki i Ierutarem ao n taabo ake i rarikina 19.28—23.56

Manga-utin te Uea man te Mate, ao Kaotina, ao Rierakena nako Karawa 24.1-53

Rierakena nako Karawa 24.1-53