Warekaia Iteraera 13 - Kiribati New Version Bible

Kanakoaia tengaun ma uoman Mm'aane Nako Kanaan(Te Tua 1.19-33)

1Ao E taku te UEA nakoni Moote,

2“Rineia taani kairiri mani baronga nako, ao kanakoia nako Kanaan b'a a na tuoa aon te aba ae N nang anganingkami b'a abami.”

3Ma ngaia are, e na kanakoia tengaun ma uoman taani kairiri man baronga nako, man aia maeka Iteraera n Rereuan B'aran ma taiani kaetieti i bukin tuoan te aba are Kanaan.

4Ao aikai araia

5Tiammua are natin Takuura man te baronga are Reuben,

6Tiabata are natin Ori man te baronga are Timeon,

7Kareb'a are natin Iebunne man te baronga are Iuta,

8Ikara are natin Ioteb'a man te baronga are Itakara,

9Otea are natin Nun man te baronga are Eberaim,

10Bareti are natin Rabu man te baronga are Beniamin,

11Kariera are natin Tori man te baronga are Teburun,

12Kari are natin Tuti man te baronga are Manate,

13Ammiera are natin Kemari man te baronga are Taan,

14Tetura are natin Mikaere man te baronga are Atera,

15Nabi are natin Bobeti man te baronga are Nabetari,

16Keuera are natin Maki man te baronga are Kata.

17Ao e taku Moote nakoia i m'aain kanakoaia nako Kanaan:

Ngkana kam a tia n ri nanon Rereuan Kanaan are i maiaki, ao kam na reita nako kawaimi nako iang ni karokoa kam roko n aaba ake a tabukibuki,

18ao kam na kakaea raoi b'a tera aron aono akanne, ao i mwiin anne, ao kakoaua raoi b'a kam na uringnga b'a iraman aomata ake a maeka ikekei, ao e uara korakoraia,

19a maeka kaaina ni kaawa aika aki nonoaki ke ni kaawa aika nonoaki. A maiuraoi aoia n te ununiki, ao taraia raoi naba b'a baikara arokan aona.

20Bon tain ngkai tawaan uaani kureebe, ma ngaia are, kam na uoti rikaaki uaan arokana tabeua akana maiu i aona.

21Ao a nako mm'aane ake tengaun ma uoman b'a a na tuoa aon Kanaan ni moa man Rereuan Tin are i maiaki ni karokoa te kaawa are Reoba are i rarikin Rebo-Amata are i meang.

22Ao ngke a ri nanon te Rereua are i maiaki, ao a roko n te kaawa are Eberon, are bon te ikawai riki nakoni kaawan Aikubita are Toan, b'a itiua ana ririki i aona. I Eberon ao a nooria teniman kaain Anakim man baronga ake Aiman, Tetiai, ao Taremai.

23Ao ngke a roko n te M'arua are Etikora (Amwi), ao a koroi m'angani kureebe aika korakora,

24ma amwi ni kureebe i aoia, ae e nakon uoman taan amoia, ao bon anne bukina ngkai e aranaki iai te tabo arei b'a te M'arua are Amwi. Ao a uoti rikaaki naba taiani bamkuranete ma biiku.

Aia Riiboti taan Tib'aai

25Ao i mwin tuoakin te aba are Kaanan i rouia i nanon abwi te bong,

26ao a okirikaaki mm'aane ake tengaun ma uoman nako Kateti n Rereuan B'aran, ao a tuanga Moote ma Aaron, ao aomata baike a tia n noori, ao a kaoti uaani kaai nakoia

27ao a taku:

Noori uanikai aikai! E rawata te miriki ma ana karewe te manibeeru n te aba are ti tuoa aona arei.

28Ma ti te kanganga b'a a korakora aomata ake a maeka ikekei, ao a buubura naba aia kaawa, ma n nonoaki. Ao ti noriia naba aintoa ikekei.

29Ao i rarikin anne, a maeka kanoan Amareka n te Rereua are i Maiaki, ao a maeka kaain Eta, kaain Iebuti, ao kaain Amora n aaba ake a tabukibuki, ao a maeka kaain Kanaan i mataniwiin Taari are te Mereterenian, ao mataniwiin naba te karaanga are te Ioretan.

30Ao e tuangiia aomata Kareb'a b'a a na aki karongoa, ao e taku, “Ti na nako n taua te aba. I ataia b'a e na reke i roura!”

31Ma a kaeka mm'aane ake tabeman, ao a taku, “A rangi ni korakora riki aomata akekei nako ira.”

32Ao a maningongoa te rongorongo ae kaangai, “Ti aki kona n ununiki ikekei b'a e mate tanona, ao aomatana bon taian aintoa.

33Ao ti bon nooriia raoi kaain Nebiri ake boni ngaiia aia bakatibu kaain Anaka. A bon rangi ni buubura n te aro are ti a taku b'a kaanga ai aron taian taake ngaira.”