Taian Areru 126 - Kiribati New Version Bible

(Te Anene N Ararake)Te Tataro B'a E Na Kamaiuaki Iteraera

1Ngke E kaokira te UEA

nakon ana kaawa ae Ierutarem,

ao ai aron ae ti mii!

2Ti ngarengare,

ao ti anene ni kim'areirei!

Ao a kaangai taekara irouia botannaomata,

“E karaoi baika ab'ab'aki te UEA

i bukiia ana aomata.”

3E boni koaua b'a

E karaoi baika ab'ab'aki i bukira;

Ai kab'aia ra ngaira!

4Te UEA, Ko na manga

kaoka kab'aiara nakoira,

n ai aron te raanga n ran

te rereua are i maiaki.

5A na tai ma te kakatonga te koraki ake,

a ununiki ma te tang!

6Te koraki ake a tang ngke a oti nako

n uoti koraan aroka,

a manga oki n anene ni kakatonga

ma uotaia uaan mwin aia ununiki.