1Ao e taku te UEA nakoni Moote,
2“Ko na riai ni kakoaua b'a a na tia ni katuaaeaki kaain Miria i m'aain matem, i bukin te b'ai are a karaoia nakoia Iteraera.”
3Ao e taku Moote nakoia aomata, “E tangiria ni katuaaia kaain Miria te UEA, ma ngaia are, kam na katauraoia mm'aane nakon te buaka.
4Kam na kanakoia kaka teuana tengaa te mm'aane man taiani baronga nako b'a a na buaka.”
5Ao a anaaki tebwi ma uoua tengaa te mm'aane man aia baronga Iteraera, ao i mwiina, ngke a tia ni katauraoaki nakon te buaka,
6ao e a kanakoia Moote nakon te buaka. Ao e uoti b'aai tabeua Bineati are natin Ereata man te Um'antabunrianna ao taiani bu i bukin katangakin kanikinaean te buaka.
7Ao a buaka Iteraera ni buakaniia kaain Miria n aron Ana babaaire te UEA are E mwiokoa iai Moote, ao a tiringiia mm'aane ni kabane,
8n reitaki naba ma B'araam are natin Beora, ao ai uean Miria ake niiman; Ewi, Rekem, Tura, Ura, ao Reba.
9Ao a bane n tauia aine ma ataei Iteraera b'a aia taenikai, ao aia kao, tiibu, ao b'aai ni kabane ake aia b'ai kaain Miria.
10Ao ni kabuoki naba aia kaawa ake a buubura ma ake a uarereke kaain Miria.
11Ao a booti b'aai ni kabane ake a anai mai Miria aia tautia Iteraera, n reitaki naba ma taian taenikai, ao taiani man.
12Ao i mwiina a oki rikaaki nakon aia maeka are n tabukin Moaba
13i rarikin te karaanga are te Ioretan ni kaaitaraa Ieriko n iteran te karaanga are teuana.
14Ao e a un Moote irouia taiani kam'anta n te taanga ni buaka
15ao e taku, “I aki kakoaua b'a kam na kamaiuia taian aine!
16Boni ngaiia naba aika ongotaeka nakon ana babaaire B'araam ao e kaoiia ara aomata b'a a na taromauriia te anti are B'aara Beore. Ao bon anne bukina ae katuaaira iai te UEA n tiringiia ara aomata aika m'aiti.
17Kam na tiringiia ataeinimm'aane ni kabane ao aine aika a tia ni bure ma mm'aane.
18Ma kam na aki tiringa te ateiaine ae tuai ni bure ma te mm'aane. Kam na kaawakiniia b'a buumi.”
19Ao e taku Moote nakoia tautia, “Ngkana kam tiringiia aomata ni kabane, ke n riinga rab'atan te mate, ao kam a kam'araa, ao kam na tiku i tinanikun te maeka i nanon itiua te bong. Ao kam na kaitiakingkami n te katenua ni bong, ao te kaitiua ni bong ngkami ma ami taenikai.
20Uati ami kunnikai, ao b'aai ni kabane akana a karaoaki man kunin te man, buraen te kooti, ke te kai.”
21Ao e katereterea riki Ereata ao e taku,
22“Ngkana kam tangiria ni kaitiaka te b'ai ae aki bubue, n aron te koora, te tirewa, te buraonti, te biti, te tin, ke te buange, ao kam na katikua moa n te ai ae kabuebue,
23ao i mwiin anaakina ni kaotinakoaki, tatauriia n te ran ni kaitiakia. A na riai b'aai ni kabane n tataauriaki n te ran. Karaoi b'aai ni kabane n aron Ana mwioko te UEA nakoni Moote.
24Uaati ami kunnikai n te kaitiua ni bong, ao i mwiin anne, kam a itiaki ao kam a kona n okira te maeka.”
Tib'atib'aakin B'aai Ni Kabane Ake A Anaaki Mairouia Kaain Miria25Ao E taku te UEA nakoni Moote:
26Koroi mwiin b'aai n kabane ake a anaaki mairouia kaain Miria, n ikotaki ma taenikai, ao taiani man.
27Ao i mwiina, tib'aia i aoia tautia, ao aomata ni kabane. A na buoki ngkami Ereata are te ibonga ao taani kairiri man taian utu.
28Kam na kaokoroa teuana man kaka nimabubua te aomata ke te man, man te itera are aia b'ai tautia,
29b'a Ana b'ai te UEA, ao angan Ereata baikanne.
30Man te itera are aia b'ai aomata, kaokoroi mai iai kaka teuana man kaka nimabwi ao angan kanoan Rewi ake tabeia te Um'antabunrianna.
31Ao a iri Ana kaetieti te UEA Moote ma Ereata
32ao a taui m'aitin b'aai ni kabane ake a anaaki mairouia kaain Miria.
33A m'akoro n te b'ai n taare 675,000 te tiibu ao te kooti,
3472,000 te kao, 61,000 te aati,
35ao 32,000 ataeinaine aika tuai ni iein.
36Kanoan taian itera ake uoua
37bon 337,500 te tiibu ma te kooti,
3836,000 te kao, 30,500 te aati, ao 16,000 ataeinaine.
39Man te itera are aia b'ai tautia,
40ao Moote e wareka 675 te tiibu ao te kooti,
4172 te kao, 61 te aati, ao 32 ataeinaine
42ao e angan Ereata b'a a na katabuaki
43b'a Ana b'ai te UEA.
44Ao manga man te itera are aia b'ai aomata,
45ao Moote e anaa kakatemanna man nimangaun maan
46ao aine n aron are E a tia n taekinna te UEA,
47ao E anganiia kanoan Rewi.
48Ao e nakon Moote mataniwiin te taanga ni buaka
49ao e taku, “Teuae ko karineaki, ti a tia ni warekia ara taanga, ao bon akea temanna te tautia ae bua.
50Ma ngaia are, ti kan angan te UEA b'aai ni katamaroa te rab'ata ni kabane ake ti anai mairouia kaain Miria. Bon ara b'ai n tangira nako Ina i bukin tararuaakira ma ara taanga ni buaka.”
51Ao a butim'aai b'aai ni katamaroaan te rab'ata mairouia mataniwiia tautia,
52ao bootan rawawataia e ri aon 400 te rawawata.
53Aio bon i tinanikun are a bon kaawakinna tautia b'a aia b'ai.
54Ma ngaia are, a kaawakina te koora Moote ma Ereata i nanon Ana Um'antabunrianna te UEA b'a kauringaia Iteraera te b'ai ae e a tia n riki.
Who We AreWhat We EelieveWhat We Do
2025 by iamachristian.org,Inc All rights reserved.
