1Kam na kamoamoa te UEA!
Katituaraoa te UEA, b'a E raoiroi:
akea tokin ana atataiaomata.
2Ai antai ae kona n tataekina taekan ana m'akuri te UEA aika ab'ab'aki?
Ao ai antai ae kona ni kaota karaoiroana ni kabanea?
3A kab'aia akana b'ab'aina te koaua
ma te eti ni maiuia n taai nako.
4Te UEA, uringai ngkana Ko buokiia am Botannaomata,
Ao kamaiuai ma ngaiia;
5B'a I aonga n nora kab'aiaia ake a rineaki iroum,
Ao ni kim'areirei ni kukureia am Botannaomata,
Ma ni kamoamoaai ma am Aomata.
6Ti a tia ni bure n ai aroia naba ara bakatibu,
Ti a tia ni karaoa ae bure ma ae buakaka.
7A tia ara bakatibu n aki atai nanon am M'akuri ake a kamimii i Aikubita.
A aki uring m'aitin am Atataiaomata;
ao a rawa nakon Teuare M'aaka i Tari are Uraura.
8Ma E kamaiuia i bukini karinean arana,
B'a E aonga ni kaota m'akana.
9E taetae nakon Tari are Uraura,
ao e a ora naba;
Ao E kairiia ana aomata ri nanon Tari i aon te tabo ae m'au.
10E kamaiuia mairouia aia kairiribai,
ao E kainaomataia mairouia aiaia.
11A b'ab'a aiaia i taari,
akea nikiraia n tiku.
12A kakoauai ana taeka;
ao a anenea karaoiroana.
13A kai m'anuoki ana m'akuri;
ao a aki tataninga ana taeka.
14Ma iai nanoia ae korakora ni kan am'arake i nanon te rereua,
Ao a kataa te Atua iai.
15Ma ngaia are E anganiia te baere a butiia;
Ao E anganiia naba te aoraki ae kamaamate.
16Ngke a bakantang irouni Moote n aia tabo ni kaemb'a n te rereua,
Ao iroun naba Aaron are ana ibonga te UEA,
17Ao e tabwena aontano, ao e oonga Ratan,
ao e tauna Abiram ma ana utu.
18E ura rake te ai i buakoia, ao e
kabuokiia raoia ni kabaneia ake a buakaka.
19A karaoa katotongan te kao te teei i Oreb'a,
Ao a bobaraaki n taromauria te bouananti are a karaoia.
20A onika mimitongin te Atua nakoni
katotongan te kao ae kaakang uteute.
21A m'anuoka te Atua are aia tia kamaiu,
are E karaoi baika ab'ab'aki i Aikubita,
22Ake m'akuri aika kamimii;
ao E karaoi naba m'akuri aika kakamaaku i Taari are Uraura!
23Ngke E taku b'a E na kamaunaia ana Aomata,
Ao e tei ana toro are E rineia, are Moote,
n taetae ma te Atua i bukiia b'a E na aki kamaunaia n unna.
24A riba te aba are a na anganaki,
b'a a aki kakoaua ana taeka ni bau te Atua;
25A ngurengure i nanon aia um'arianna,
Ao a rawa ni kan ongo ni b'anaan te UEA.
26Ma ngaia are E kab'aka ana taeka ae matoatoa nakoia,
B'a E na kamateia i nanon te rereua,
27Ma ni kauamaaeia nako aia kariki i buakoia botannaomata,
Ao a na mate n aaba aika tiaki abaia.
28A ira taromauriani B'aara i Beore
ao a kang karea ake a katauaki i bukiia atua ake akea te maiu i nanoia.
29Ao a kaunna n aia m'akuri anne,
ao e b'akariia te aoraki are kamaamate.
30Ma a buokaki irouni Bineati,
ao e toki te buti n aoraki.
31E ururingaki n ana m'akuri ae raoiroi aei
ma ngkekei ao n aki toki.
32A kauna te UEA i rarikini koburakenran i Merib'a;
Ao e reke n te kaangaanga iai Moote i bukiia:
33A kabonoa nanona
n te aro are e a taetae iai n te aro ae aki riai.
34A aki kamateia botannaomata
n ai aron tuangaia iroun te UEA,
35Ma a i raorao ma ngaiia,
ao a b'ain aia katei.
36Ao a m'ane irouia
b'a a taromauri aia bouananti.
37A anga natiia m'aane ma natiia aine
b'a karea nakoia atua ni kewe.
38A kamateia natiia aika akea aia bure,
ao e kam'araeaki aon te aba i bukini m'akuri n tiritiri aikai.
39A kam'araeaki n aia m'akuri,
ao a aki kakaonimaki nakon te Atua.
40Ma ngaia are E un te UEA irouia ana botannaomata;
Ao E ribaia.
41Ao E anga ngaiia nako nanoni baiia botannaomata tabeua;
Ao a tautaekanaki irouia aia kairiribai.
42A b'ainikirinaki irouia aiaia,
ao a aantaeka irouia.
43E bati ana tai ni kamaiuia,
ma ti te katei rakeaia nakoina;
A aki toronaomata i bukin aia bure.
44E ngae n anne, ao E bon ongo naba
aia tataro n aia tai n rawaawata.
45E uringa ana boraraoi i bukiia,
ao E bita nanona n nanoanga n ai
aroni m'aitin ana ataataiaomata;
46Ao a riki n nanoangaki iai irouia
ake a taenikai irouia.
47Te UEA ae Atuara, kamaiura,
ao kaokira mai buakoia botannaomata,
B'a ti aonga n anga ara katituaraoi
ma ara nebonebo nakon aram ae tabu.
48E na karaoiroaki te UEA ae Atuaia Iteraera,
kamoamoaa ngkai ao n aki toki!
Ao ke a bane aomata ni kaangai, “Amen!”
Kamoamoaa te UEA!
Who We AreWhat We EelieveWhat We Do
2025 by iamachristian.org,Inc All rights reserved.
