1Ai tib'a wanua ana ririki ni maiu Iotia ngke e a riki b'a te uea ngaia i aon Iuta, ao e tautaeka i nanon 31 te ririki mai i Ierutarem. Aran tinana bon Nei Ierita are natin Ataia are kaain Botikata.
2E aki toki n ongongotaeka Iotia nakon te UEA, n aron are e karaoia ana bakatibu are Tawita.
Kuneakin Bokin Ana Tua te Atua Iroun Irekia(2 Rongo 34.8-28)3i mwiin uean Iotia i nanon 18 te ririki, ao e a taetae Iotia nakon Tiaban, are temanna mai buakoia ana aobitia aika a rietaata ni kaangai:
Naako nakon ana Tembora te UEA,
4ao tuanga Irekia are te ibonga are e rietaata b'a e na anai m'aane ni kabane ake aia anganano aomata mairouia taan tei.
5Kanakoa Irekia b'a e na anganiia m'aane ake taani kaira waakin te onob'ai i aon te Tembora. A konaa naba ni kamanenaa teutana te m'aane i bukin kabooaia
6taani m'akuri, ao a na kabooi taiani kai ma atiibu i bukin te onob'ai n nikiran te m'aane.
7A bon m'akuri raoi, ma ngaia are, ti na aki ukeb'aia kamanenaan te m'aane irouia.
8Ao ngke e mena Tiaban n te Tembora, ao e a anganaki te boki iroun Irekia ao e taku, “Noora te b'ai ae I kunea i nanon te Tembora, Bokin Ana Tua Te Atua.”
E warekia Tiaban,
9ao i mwiina e oki nakon Iotia ao e taku nako ina, “A tia n anai m'aane n te Tembora am mataniwi ao a anga nakoia m'aane ake a kaira m'akurian te onob'ai.”
10Ma iai riki te b'ai teuana ae N na tuangko Teuae ko karineaki. E anganai te boki aei Irekia are te ibonga are e rietaata. Ao i mwiina e a warekia Tiaban ni kaoa b'anaana.
11Ao ngke e ongo Iotia kanoan te boki are Ana Boki n Tua Te Atua, ao e raeuai ana kunnikai i bukin rawawatan nanona.
12Ao i mwiin arei, ao e weteia Irekia, ma Tiaban, ma Aikam are natin Tiaban te m'aane, ma Akebora are natin Mikaia te m'aane, ao ai bon ana toro are Ataia. Ao e taku,
13E a bon rangi n un te UEA irou ao kaain Iuta ni kabane, b'a a tia ara bakatibu n aki iri nanon taian tua aika a koreaki i nanon te boki aei. Naako kakaea te b'ai ae E tangiria te UEA b'a ti na karaoia.
14Ao a nako m'aane ake niiman akekei n taetae ma Nei Ureta are te burabeti. Buun Nei Ureta bon Tiarum are natin Tikewa, are te tia tararuai ana kunnikai te uea. E maeka Nei Ureta ni m'akoron Ierutarem are mai meang, ao ngke a kaaitibo ni mwengana
15ao e taku nakoia:
“Kam kanakoaki mairoun te uea are Iotia, ao aei ana Taeka te UEA ae Atuan Iteraera nako ina:
16‘Iotia, boni Ngai te UEA ao N na bon nooria b'a e na maunanako te kaawa aei ma aomata ni kabane aika a maiu iai. E na koro bukin aei n aron are e koreaki n te boki aei.
17A tia kaain Iuta ni katinanikuai. A tia n angakarea nakon antiia Ianena ao a tia naba n taromauriia oin aia bouananti. I a bon aki konaa n taotaona nanou mai iai. E a rangi ni maraki nanou.’ ”
18Ao e taku, “Iotia, noora te b'ai ae N nang karaoia.
19I namakina rawawatam ngke ko warekia ae e na kamaunaaki te aba aei ma kaaina ni kabane. Ko bon raeuaaka naba kunnikaim i bukin rawawatan nanom, ao I ongo b'anaam ngke ko tang.”
20Ma ngaia are, N na karaoiko b'a ko na mate ma te rau, i m'aain kamaunaan te tabo aei.
Ao a nako m'aane akekei ao a uota rikaaki ana rongorongo Ureta nakon Iotia.
Who We AreWhat We EelieveWhat We Do
2025 by iamachristian.org,Inc All rights reserved.
