1Bon ti ngai ae i atai aron baikai, ao ni karawawataaki iroun te UEA n unna.
2E kab'akaai i nano, i nano i nanon te rootongitong.
3Ao e ri aon ae riai oreau i rouna.
4E katukai ma ikoakiu aika a menaai, ao riiu aika a m'aotoua.
5E kainai i nanon karabuutin te kananoanga ma te rawaawata.
6E kamaekaai n te tabo ae rootongitong, kaanga ai aron are i abaia maate.
7e kabaeai n taurekereke; I a riki b'a te bure ae aki konaa ni birinako.
8I takaaruaea buokau, ma E aki kan ongo te UEA;
9E a bua kawaiu; A tuukai atiibun te oo n taabo nako ake i nako iai.
10E torokaraniai n ai aron te bea, e ewekai n ai aron te raian.
11E kakioainako man kawaiu, E raebitiai ao E kiitanai.
12E katebenakoa Ana kanoanikatebe, ao E karaoai b'a Ana taakete.
13E katebeai ao e teke rab'atau.
14A ngareakinai aomata ni katoa bong; I a riki b'a kaanga te b'ai ni kangare nakoia.
15Bon akea riki kanau mai rouna b'a ti te rawaawata ao te maraki.
16E bubua matau i aontano. ao a maibi wiiu i aon taian b'a.
17I tuai man namakina te marurung, te rau, ao te kukurei.
18I taku b'a E nang bon anaa maiu te UEA.
19Te b'ai ae kamaamate irou, ururingan marakiu ma tiotionakou.
20E aki kona ni bua uringana, ao e riki b'a korakain tamneiu.
21Ma e reke au kaantaninga ngkana i uringa te b'ai teuana.
22Ana akoi ma Ana tangira te UEA ae teimatoa n taai nako.
23E boou n te moaningabong koraki, n ai aron kakaonimakin otin taai.
24Akea ae i kainanoia riki i rarikin te UEA, I a tau i rouna.
25E raoiroi te UEA nakoia ake a onimakinna.
26Ma ngaia are, e raoiroi iroura b'a ti na tataninga kamaiuara iroun te UEA ma te nano ae rau.
27Ao e bon raoiroi b'a ti na reireiniira te nano ae rau ma ngke ti uarereke.
28Ngkana iai rawawatara, ao ti bon riai n tekateka ni kaokoroira ma te nano ae rau.
29Ti bon riai ni boobaraaki ni karinea, b'a bon iai te kaantaninga i rouna.
30Ti na kariaia te kab'ainrangaki ma te oreaki.
31E bon akoi te UEA, ao E na bon manga nanoangaira.
32Tao E na bon karawawataira, ma E bon teimatoa ao e korakora naba tangirara i rouna.
33B'a bon tiaki Ana kaantaninga te kan karawawataira ao ni kamarakiira.
34E ataia naba ngkana a kamanatuaaki tamneira i nanon karabuuti;
35E ataia naba ngkana e a aki b'ainaki ana Tua ake E anganiira.
36E ataia naba ngkana e aki b'ainaki te eti n te kaboowi.
37Bon akea ae kona ni karaoa are e taku ngkana tiaki nanon te Atua.
38E tautaekana te raoiroi ma te buakaka.
39Bukin tera ngkai ti aki toki ni ngurengure ngkana ti oreaki i bukin ara bure?
40Ti bon riai ni taratarai maiura, ao n okira te UEA.
41Ti na kauki nanora nakon te Atua are i karawa ma n tataro nakoina.
42Ti a tia ni bure, ao ti a tia naba ni kaaitarako te UEA, ao Ko tuai kab'arai ara bure.
43Ko taorimwiira n tiringiira; e rabunaki am Nanoanga n unim;
44A nimaatenten nangin unim n te aro are e a tuuka ara tataro nakoim.
45Ko karaoira b'a te tabo ni maange i bukin te aonnaba.
46Ti kab'ainrangaki ao ni kamamaaeaki irouia ara kairiribai.
47Ti ngae i nanon te kangaanga ma te kabuanib'ai; ti maiu i nanon te kangaanga ma te kakamaaku.
48A tao karaangan rannimatau i bukin uruaia au aomata.
49A na tiinako rannimatau b'a raan aika a raanga n akea tokiia.
50Ni karokoa E na taraira te UEA mai karawa, ao E na norira.
51E rootaki nanou n te rawaawata ngke I noora te b'ai are e riki nakoia ainen te kaawa.
52Bon akea bukin ribaakiu irouia aomata nako,
ma I kam'aneaki
kaanga te mannikiba.
53Ao i mwiina, a kataia n tiringai
ni karenakoai i nanon te m'arua
ao a karebanaai n taian atiibu.
54E iekaki aon atuu n te ran
kaanga ai aron ae I mauna nako.
55Ao I tataro nakon te UEA
mai kabin te m'arua.
56I buubutiiko b'a ko na ongora.
I takaarua ni kaangai, “Buokai. Kamaiuai!”
ao Ko kaekaa au tataro
57ao Ko roko n te tai are I tangira buokau iai.
Ko kaangai nako iu, “Tai raraoma!”
58Ko buutai man te kaangaanga
ao Ko kamaiuai.
59Te UEA, Ko nooriia ngke a akiakonai,
ma ngaia are, Ko na kaeti b'aai nako.
60Ko bon atai aia iango ni kakam'arua nako iu.
61Eng, Ko bon atai aia m'akuri ni kamatauninga
ao aia iango nako aika buakaka.
62A buaka ni kabongnga n te taeka ma te maningongoo.
63A aki tabe ma te b'ai are a karaoia,
ao bon waaki nako naba aia kakaniko nako iu.
64Kabooa mwiin b'ai ni kabane
ake a tia ni karaoia nako iu, te UEA!
65Kamaraiaia
ao karawaawataia.
66Kauna nanom irouia ao rimwiia
ni karokoa a reke iroum m'anekaia
i aan taiani karawa.
Who We AreWhat We EelieveWhat We Do
2025 by iamachristian.org,Inc All rights reserved.
