1Te Atua, Ko na ongo au tataro,
Ao tai rawa nakon au bubuti!
2Ko na ongo irou ao kaekaai;
A taonai rawawatan au iango.
I kiriwe ao I aki rau
3i bukin ana taeka n iowawa te tia ribaai,
Ao i bukini karawawatau irouia akana buakaka.
A kariki kaangaanga nako iu,
A un irou ao a ribaai.
4E tata ruberubeni burou,
E taonai korakoran angini maakan te mate.
5I rurubenebe b'a I maaku;
E taonai korakoran angin te maaku.
6A bia reke baiu ni kiba n ai aron te taobe:
Ao I a kona ni kibakiba nako ni karekea motikan rawau.
7I a kona ni kibakiba nako kiraroa n tiku
teutana n te rereua.
8I a kona ni waekoa ni kunea te tabo are N na katanai iai
man te ang ae baibati ma buakani karawa.
9Te Uea, Ko na kamangaongaoi aia taetae taan ribaai,
B'a I noori m'akuri ni kakeru
ma aaro ni kiriwe
i nanon te kaawa.
10A teiakina te kaawa taan ribaai
ni katobibia ni ngaina ao ni bong;
E on nanona n te kiriwe ma m'akuri
n iowawa;
11E korakora te urub'ai iai;
E bati te aonikai ma te babakanikawai n taabo ni m'akete.
12Ngke tao aiau ae b'ainingareai,
ao I kona n taotaona nanou;
Ao ngke tao te tia ribaai ae kamoamoaa
nako iu, ao I kona ni karabaai mai rouna.
13Ma boni ngkoe, ae raoraou, ae I
tataneiai ma ngkoe, ae ti te bo arora.
14Ti uaia ni kukurei n taetaenikawai
n ara tai n nakonako ma aomata
i nanon am Tembora.
15A bia mate akana ribaai i m'ain aia tai;
A bia ruo, ngkai a maiu, nakon te ruanimate!
E mena te buakaka ni mwengaia ao i nanoia.
16Ma I wetea te UEA ae te Atua, ao E na buokai,
ao E na bon kamaiuai
17I bunra rawawatan nanou nakoina n
te ingabong ao n te tawanou ao n te tairiki,
Ao E na ongo b'anaau.
18E na kamaiuai man te buaka
aika I buaka iai
ma aiau aika bati.
19Te Atua, are E tautaeka ma ngkoangkoa,
E na ongo irou ao E na anganai te tokanikai i aoia;
B'a a rawa ni kani bitaki man aroia,
Ao a aki maka naba te Atua.
20E ekianako nako raoraona teuare raou;
E urua ana boraraoi.
21A maranran riki ana taeka nakon te kuriim
Ma e raba te riribai i nanona;
A maraurau riki ana taeka nakoni marauraun te oera,
Ma a korokoro n ai aroni kabaang aika kakang wiia.
22Ko na kaaki rawawatam i aon te UEA,
ao E na buokiko;
E na buokiia akana raoiroi b'a a na teimatoa.
23Ma Ngkoe, te Atua, Ko na kariniia taan tiritiri ma taani b'anga ni kewe ruanimateia
i m'ain banen iteran aia bongi ni maiu.
Ao ngai N na onimakiniko.
Who We AreWhat We EelieveWhat We Do
2025 by iamachristian.org,Inc All rights reserved.
