1Ma koraki aika a tia n rawaawata a na aki manga maraki. A ribaaki ngkoa aban nako Teburun ao Nabetari i Kariraia. Ma e na rangi ni karineaki te aba aei ae abaia Tientaire nakon te Karaanga are Ioretan ri mataniwiin te Taari are Mereterenian.
Tokin Te Buaka2A tia n noora te oota
aomata ake a tia n nakonako i nanon te roo.
Ao a oota nako i aoia ni kabane
aomata ake a maeka n te aba
are te kabanea n rootongitong nuuna.
3Ara UEA, ko a tia ni kakorakoraia
am botannaomata.
E reke mairoum kukureia
ao karaoan aia bootaki ni kukurei kaaina
kaanga taani m'akuri n tain te tai
ke kaanga tautia aika a tib'ai
b'aai ake a tia n reke irouia.
4Ko a tia n urua m'aakaia
koraki ake a kabuakakaia
ao a tautoroniia am Aomata.
Ko a tia ni kamaiua
n ai aron are ngke ko kamaiuia am Aomata
mairouia kaain Miria.
5E a tia n urarake
ao ni kanaki n te ai
aia kauniwae taani buaka ake a m'aati
ao aia kaboraoi ake a memea n te raraa.
E A Tia Ni Bungiaki Te Teei6E a tia ni bungiaki te teei i bukira.
Ti a tia n anganaki te nati te m'aane
are e na riki b'a ara tia tautaeka.
Aikai arana
Te Tia Iango Ae Kamimii
ao te Atua ae e M'aaka,
te Tama ae Akea Tokina
ao Te Uea n Raoi.
7E na aki tootoki m'aakana;
e na akea tokin te raoi.
E na tautaeka n abanuean Tawita
ao e na kakorakoraa.
E na tautaeka n taai nako
ma te raoiroi ao te eti.
E na bon kakoaua raoi
te UEA ae Moan te M'aaka
b'a a na koro nanon baikai.
E Na Katuaaea Iteraera Te Atua8E a tia te UEA ni kauringiia Iteraera,
9ao a bon bane n ataia, n reitaki ma aomata ni kabane n te kaawa n tautaeka are Tamaria. Ma a kainikatonga ao a taningabono ao a taku,
10“A tia ni b'aka taian auti
aika a karaoaki n te buriki ao te tukomorea,
ma ngaira ti na karaoi auti
aika a karaoaki n taian atiibu ao taian tiira.”
11E karaoia aia kairiribai te UEA b'a a na buakaniia.
12E kanakoia kaain Turia mai mainiku ao kaain Biritia mai maeao ao a kab'auta Iteraera. Ma e bon aki toki naba unna n anne, ma ngaia are, e bon waakina nako naba katuaeakiia.
13Ma a bon aki okirikaaki naba Iteraera nakon te UEA ae Moan te M'aaka ma n taromauriia.
14N te bong teuana, e koroi atuuia ao bukibweeia, baaia ao m'aangaia.
15Bon atuuia taan tautaeka, ao bukibweeia bon taiani burabeti ni kewe.
16A tia ni kairiia ni kab'akaia botannaomata n te kawai ae e kaairua, ao a mangaongao aomata irouia.
17E a un te UEA irouia ana Aomata ao e bon teimatoa naba ni katuuaia, i bukina ngke a tia ni kaaitaraa. A buakaka ao a taetae n nanobaba. Ao bon anne bukina are e aki nanoangaiia aia roronrikirake ke aia aine aika a tia ni mate buuia ao ataei aika akea aia karo.
18E raababa nako te buakaka kaanga te buakonikai ae e urarake mani kabuoki taian buakoako ni kai aika a kateketeke ma ni kawaerakea te bubu.
19E rangi ni un te UEA ae Moan te M'aaka ao e kabonganaiia b'a kaanga te b'aa ni kanaiai are e tiringa aon te aba. A manga bon rairi buareia i bon irouia
20kaanga taiani man aika a aki manana aika a un man tiringiia aomata nako ake i rarikiia, n reitaki naba ma bon aia koraki. Ma a bon aki naba rauaki.
21A manga bon raira buareia Eberaim ma Manate, ao i mwiina, a ikoti aia taanga ni buaka ni buakana Iuta. Ma e bon teimatoa naba n un te UEA ao e tauraoi nakon katuaaeaia te botannaomata n ae e rawaawata riki.
Who We AreWhat We EelieveWhat We Do
2025 by iamachristian.org,Inc All rights reserved.
