Ana Anene Toromon 5 - Kiribati New Version Bible

E Taku Teuarei:

1Au kainrou, ae bon ti au b'ai,

I roko nakon au nnenaroka

ao I kukurei ni boiararana.

I kang kanau ake ngaon ao ana karewe te manibeeru;

ao I nima nimau are te wain ao te miriki.

A taku Raoraona:

Am'arake ao mooi ni karokoa

kam a manging n te tangira.

Te Mii TeuanaE taku Neierei:

2I boni matu, ao I mii:

E tei teuare I tangiria i matan te mataroa,

e karebwerebwe ao e taku,

“Raou ae e tangiraki, ae bon ti au b'ai

au taobe ae akea waewaeana,

kauka te mataroa nako iu!

E a makuna atuu

n aoin te tairiki.”

3Ma I a kaman tia ni buuti au kunnikai

ao n teboki waeu.

N nang manga karin au kunnikai

mani kabaarekai waeu?

4Ao e kaaenakoa baina raou ae e tangiraki

b'a e na kanakoa rokan te mataroa,

ao I kaantaninga inanou.

5Ngke I teirake b'a N na kauka te mataroa,

ao e a waawaanako te boiarara

mani baiu ao tabonibaiu.

6E kaantaninga nanou

ngke e taetae nako iu,

ma ngke I kauka te mataroa,

ao e karina ni bua raou ae e tangiraki.

I kakaaea ao I takaarua,

ma e aki roko n te reke irou

bon akea te kaeka.

7Ao I a kuneaki irouia taan tei

ake a teiakina te kaawa

ma n teiakina naba oon te kaawa.

A kataereai

ao a buta niiniirau.

8Ataeinainen Ierutarem,

ngkana kam noora teuare I tangiria,

ao I butingkami b'a kam na kaangai nakoina,

“E a mamaara i bukin b'aruam.”

A taku Raoraona:

9Kabanean tikiraoia aine,

e aera ngkai e rangi n raka iroum aron

teuare ko tangiria ma m'aane nako?

E aera ngkai ko buubutiira

b'a ti na kaongoa arom?

E taku Neierei:

10E botonim'aane ao e marurung,

te kabanea n rianako arona

mai buakoia tebwina te ngaa.

11Te koora ni koaua atuuna;

e m'aototo irana,

ao e rooro kaanga te reeben.

12Ti te bo matana ake uoua ma reeben aika uoman

aika a tebotebo n te raanga n ran

ae e raanga ma te miriki.

13Bon te nnenaroka ubuna

ae e boiarara ni b'aai ni kaboiarara;

taiani kiebu riana

aika e timtim mai iai te boiarara.

14Anganibaina bon taiani m'aanga aika koora

aika a rabunaki n taiani b'ai ni katamaroa;

rab'atana bon koron te ereb'anti

ae katamaroaaki n taian tabeiro.

15Ti te bo rangana ma taian boua aika maabora

i aon raurau ni wae aika koora.

E tei ikekei ni karineaki

kaanga te Maunga are Reb'anon

ma arokana kaai aika tiira aika a rineaki.

16E karewerewe ana kiiti.

I rangi ririkanaia!

Ataeinainen Ierutarem,

bon au tangira ao raoraou.