1E raoiroi riki kanakin te kariki ae e m'au
ma te rau ao te aki kakarongoa
nakon te baka n am'arake
ae a bane ni ngurengure kaaina.
2Te toro ae e m'akuri korakora
e na tautaekana te
te nati ae e aki raoiroi,
ao e na anganaki te toro anne
tib'angana ae ti te bo
ma tib'aia naati ni kabane.
3E tuoaki te koora ma te tirewa
n te ai
ao a tuoaki nanora
iroun te UEA.
4E kakauongo te tia kakiriwe
irouia taani kakiriwe,
ao a ongo taani kewe irouia taan kewe.
5Ngkana kam kamamaaea te aomata ae e kainano,
ao kam bon kamaamaea iai te Tia Karikib'ai.
Kam na katuaaeaki
ngkana kam b'ainingarea
te aomata ae e reke n te kangaanga.
6A kakatonga aia karo tamaia ma tinaia
irouia tibuia,
ao a na riai ni kakatonga naati
irouia aia karo.
7E taraa n nanobaba
te taetae ae e iangoaki raoi iroun te nanobaba,
ma e a rangi n buakaka riki ngkana
e b'aina te kewe te tia tautaeka.
8A taku tabeman b'a
e karaoa te kamimii te kamaraato,
a kakoaua b'a e konaa ni karaoi b'aai.
9Kam kateimatoa ami iraorao ma raoraom nako
ngkana kam kab'ara aia bure,
ma kam kakeaa raoraom
ngkana kam teimatoa n taetaekina
te kaairua ae a tia ni karaoia.
10E kariaia kaetakina
te aomata ae e iangoraoi,
ma kam aki konaa n orea te nanobaba
ni karina te koaua i rouna.
11A rangi n tangiria ni kakaitaraa aomata aika a iowawa
ai ngaia are, a na kanakoaki taan eekaanako te aba
b'a a na buakaniia.
12E aki kamaamate riki
iraeakin natin te bea
nakon te nanobaba ae e taningabono.
13E na teimatoa n reereke iroumi te kangaanga
ngkana kam karaoa ae e aki raoiroi nakoia
aika a raoiroi nakoim.
14Moanakin te kauntaeka
kaanga ai aron te raran ni nnen te ran
ma ngaia are, waekoa katokia i m'aain
ae e nang bon riki raoi te uruaki.
15E aki tangiria aika a kamaiuia
taani bure te UEA
ke ni kabuakakaia aika akea aia bure.
16E aera ngkai e na iai aia m'ane nanobaba
i bukin aia reirei
ngkai a rawa n reirei?
17A aki toki ni kaoti aia tangira rao,
ao a bungiaki ara koraki
i bukin buokan
ara kangaanga nako.
18Bon te waaki ni bangab'ai te anga am b'ai i bukin kariaiakan
ana roun temanna.
19A kukurei aika a buakaka ma aika a kamoamoa
n te kiriwe ao a teimatoa ni bububuti
b'a a na kammarakaki.
20Bon akea te raoiroi ae e na anganiko te baabakanikawai,
ao tataekinan te kewe
e na uotiko nakon te kangaanga.
21Bon akea kakukurein te riki
b'a aia karo taian nanobaba
ao akea riki te b'ai ae e na kaantaningaaki b'a ti te maraki.
22Ngkana kam kukurei,
ao kam namakina te nakoraoi;
ao ngkana kam nanokawaki,
ao kam bon kammarakingkami.
23A kariaia te kamaraato ae e karabaaki aika a aonikai
b'a e aonga n aki
karaoaki te eti.
24Ane e wanawana e ataia
b'a tera bukin reken te iango raoi.
Ma a aki konaa nanobaba
ni karekea aia iango raoi.
25A uota te nanokawaki naati aika a nanobaba
nakoia tamaia ao te maraki nakon tinaia.
26E bon aki riai
katuaaean te aomata ae akea ana bure
ao aika a kaakaraoa ae e eti.
27Bon te iangoraoi
te riki b'a te aomata ae e aki b'ab'arantiko
man n tiku n rau.
28A taraa naba ni wanawana aika a nanobaba
ngkana a aki b'ab'arantiko.
Who We AreWhat We EelieveWhat We Do
2025 by iamachristian.org,Inc All rights reserved.
