Ana Anene Toromon Taekan te boki aei - Kiribati New Version Bible

Taekan te boki aeiAran te boki aei e nanonaki iai, “te Anene ae e moa n tamaroa i buakoia anene nako,” n taian rairai tabeua e aranaki b'a, “Ana Anene Toromon.” (noora 1.1)Bon boobotan taiani kuna, ke taiani kario ike a kaoti iai nanoia aine ma m'aane n aia tangira i bon i marenaia. N tabetai a bon taetae bon nakoia, ao n tabetai nakoia i marenaia ke nakoia raoraoia, ao otooto tabeua a taraa n ae a ururing taai ake a tia n reitaki iai ngkoa.A tia ni kab'arab'araaki taiani kario aikai nakon aaro aika a m'aiti. Tabeman a taku b'a te m'aane bon te Uea are Toromon. Ao tem'angina a iangoia b'a te kaotioti ike e kaotaki iai bannan te aine ae e uotaki nakon m'aneaban Toromon, ma e bon teimatoa n tangira ma te m'aane are e tiku i mwiina n ana kaawa, ao n tokina a manga reitaki. Ao tabeman taan kab'ara te Boki aei, a taekina bannan aron reitakin te Atua ma ana aomata aika Iteraera, ao irouia Kiritian bon bannan te aro n reitaki i marenan Kristo ao te Ekaretia.E kona naba n aranaki te boki aei b'a boobotan taiani kuna aika a katereterea korakoran ma m'aitin ana tangira te aine ao te m'aane n tangiriia i bon irouia. Ni koauana, bon taiani kuna aika a kaakamanenaaki i nanon tain te mare i aon Iteraera rimoa. N aron taekan teuana te kuna ae e kaangai:Korakain te tangirae tabwena b'a te aiae e kamaamate riki nakon te mate,ao e korakora riki nakon te ruanimate.E aki konaa ni b'ab'a te tangiran taian marawa ke n taian ieka;e aki konaa ni kabooaki,e ngae ngkana tao tera ae e b'aintangiraaki.(8.6-7)Oi n iango i aon te boki aeiAna Anene Toromon (1.1)

Te Tangira n te Nano (1.2—2.7)

Te Mii n Tangira (2.8—3.5)

E babaire te Tangira (3.6—6.10)

E b'ab'atere te tangira (6.11—8.4)

Te Tangira ae m'aaka bon tiaki te b'ai ni kaboaki nako (8.5-14)