1E taku te UEA, “A teimatoa ni kakaraoa te bure kain Moaba, ao N na bon katuaaia i bukin aei. A tia ni kamatauninga riia uean Etom, ngke a kabuoki ni kamannangii.
2N na kab'aka te ai i aon te aba ae Moaba,
man kabuoki nonon Keriota.
A na mate kain Moaba ni karongoaan te buaka,
ngke a takarua tautia man katanga te buu.
3N na tiringa te tia tautaeka i aon Moaba, ma taan kairiri ake iai ni kabane.”
Boni Ngai ae te UEA ae I taetae!
Iuta4E taku te UEA, “A teimatoa ni kakaraoa te bure kain Iuta ao N na bon katuaaia i bukin aei. A tia ni katinanikua au reirei, man aki kawakin au mwioko. A manga okira aroia aia bakatibu n taromauria antiia.
5Ngaia are N na kab'aka te ai i aon Iuta, ao N na kabuoki nonon Ierutarem.”
Motikan Taekan Iteraera Iroun te Atua6E taku te UEA, “A teimatoa ni kakaraoa te bure Iteraera, ao N na bon katuaaia i bukin aei. A kabooia nako aomata aika aki kona ni kab'arai aia tarau, aomata aika a kainano aika aki koro boon aia kauniwae.
7A toubekaia aika a mamara aika akea aroia, ao a butuia nako aika a kainano mai m'ain kawaia. Ane ana uaia, te karo ma te nati, ni kawara te toro ae te aine ae ti temanna ao ana kamatauninga arau ae tabu.
8Ao a wene ni matu i rarikin taabo n taromauri i aon kunnikai aika a anaaki mai rouia aika a kainano b'a b'aai ni kakoaua. Ao anai naba m'aane ake a reke man tuaaia aomata mani kabooa te wain iai, man nim i nanon au tembora.”
9“I bon kamaunaia I-Amoraite ni kabane aika aomata aika a rietaata n ai aroia kaai aika tiira, ao man korakora naba n ai aroia kaai aika Oke: I karaoa aei i bukimi Au aomata.
10I kaotinakoingkami mai Aikubita, ao I kairingkami i nanon te rereua i nanon abwi te ririki, ao I anganingkami abaia I-Amoraite b'a abami.
11I rineia tabem'aang mai buakoia natimi mm'aane b'a burabeti ao tabem'aang b'a Natiraite. Tiaki bon te koaua aei Iteraera? Bon ana taeka te UEA
12Ma ko kamooia Natiraite n te wain, ao ko tuangiia burabeti b'a ana aki taekin au taeka.
13Ao ngkai N na kamanatuako ao ko na ngirangira n ai aron te aenikaa ae on n te uita, man ngirangira i aan rawawatan uotam.
14E na bon aki kona naba ni birinako te aomata ae birim'aaka. Ao e na bua naba korakoran te aomata ae ninikoria, ao ana bon aki kona naba n rawei maiuia taian tautia.
15Ana bon aki kona n taua aia tabo taani katebe, ana bon aki kona ni birinako aika a birim'aaka ana bon aki konaa naba n rawei maiuia ake a toka i aoia aoti.
16N te bong arei ao te tautia naba ae e rangi n ninikoria e na kab'akai ana b'ai ni maaku man birinako. Bon ana taeka te UEA.
Who We AreWhat We EelieveWhat We Do
2025 by iamachristian.org,Inc All rights reserved.
