Ruuta Taekan te boki aei - Kiribati New Version Bible

Taekan te boki aeiTe boki ae Ruuta, e anganiira taraan te maiu n utu irouia Iteraera i nanon aia tai Taani Motikitaeka. Rimwi riki, e a manga rangi ni kakannato te utu aei i aon Iteraera ngke e riki n uea mai iai ana tibum'am'ano Nei Ruuta, are te Uea are Tawita.N raonaki ma rongorongon Ruuta aei, bon rongorongoia naba aomata aika a kakannato n aron Nei Naomi, are e maeka i Betereem ma buuna ao natina m'aane aika uoman. I nanon tain te rongo, ao a manga m'aing te utu aei nakon te aba are Moaaba. E mate buun Nei Naomi, ao a mareaki natina ake m'aane ma ainen Moaaba. Temanna mai buakoia aine aikai bon Nei Ruuta.I mwiin mateia natin Nei Naomi ake m'aane ake uoman, ao e a iangoia b'a e nang okira Betereem. E tuangiia buun natina ake aine ake uoman b'a a na tiku i Moaaba ni manga karekeia buuia, ma e rawa Nei Ruuta n tiku b'a e tangiria n ira tinan buuna aei nako Betereem. Nikiran kanoan te boki aei e a bon taekinaki iai aron Ruuta ni mare ma te kaub'ai ae arana Boaati.Ni kaineti ma te tua, a kariaiakaki kaain Moaaba b'a a na riki b'a Iteraera. Ma e taekinaki n te boki aei aron Ruuta n riki ngaia b'a temanna ae e rangi ni kakaonimaki nakon te UEA, ao ni kariaiakaki naba n raoniia Iteraera. E taku ana taeka nakon Nei Naomi:Ma e kaeka Ruuta; “Ko na tai butiai b'a N na kitaniko. N na iriko nako: b'a ike ko nako iai, ao N na nako iai; ike ko maeka iai, ao N na maeka iai; am koraki au koraki; ao Atuam Atuau: ike ko mate iai N na mate naba iai, ao I a taunaki naba iai. Ao ke E kamatoa aei te UEA, b'a ti te mate ae e na karaureira.”(1.16,17)Oi n iango i aon te boki aei1. Irakin Nei Naomi iroun Nei Ruuta n okira Betereem 1.1-222. Kaitiboon Ruuta ma Boaati 2.1—13.183. Mareakin Boaati ma Ruuta 4.1-22