1Aio te rongorongo i bukin Moaaba:
A kamaunaaki kaawa
aika Are ao Kiri n te tairiki.
E tiku n urubekebeke Moaaba!
2A bane n tia ni waerake nakon te Tembora, ao te baangota
kaain Ribon ni kabane,
n tang ma ni katuu ranin mataia.
A na bane n tang kaain Moaaba.
A na bane ni koreaki taiani ira ma taiani buai
i bukin te b'ai are e riki
i Nebo ao Meteb'a.
3A bane aomata i nanon te kaawa ma taiani mwenga
ni kunnikaia aomata ni kunnikai aika a mangaingai
ao a tang n takaarua i nanon te tai ae e maan.
4A tang aomata mai Etibon ao Ereare,
ao e ongo te aba mai Iaati;
A takaarua n tang taani buaka mai Moaaba
ngke a ruru ni maaku.
Kananoangan Moaaba5Ai kaawara Moaaba!
A biri nako kaaina nako Toa
ao nako Ekerata-Teritiia.
A tang i aon kawaia ni waerake
nakon te kaawa are Ruita;
A taekina rongorongon te kabuanib'ai
i aon te kawai nako Oronaim.
6A m'auteretere
karaanga n ranin Nimrim
ao taian aba n uteute.
A bane n rai taiani m'aanga.
7A nako kaain te kaawa are Moaaba,
ma n ri aon te Kararang are Wiro,
ma n anai b'aai ni kabane ake bon aia b'ai
ake a bon karekei n aia m'akuri korakora.
8E ongo te aba te tang
ni kaawan nako Ekeraim
ao Beera-erim
ao n taabo nako i aon Moaaba.
9A raraa karaanga n ran
ake i rarikin Rimon.
Ma e na karokoa te kaangaanga
te UEA ae moan te korakora riki nako Rimon,
i bukina b'a a na bane n tiringaki irouia raian
kaain Moaaba ake a biri nako.
Who We AreWhat We EelieveWhat We Do
2025 by iamachristian.org,Inc All rights reserved.
