1B'a Uean te Atua ai aron te aomata ae atun te mwenga teuana. E nako teuarei ngke e a tib'a ingabong n anaia aomata ake a na m'akuri ni nen arokana te kureebe.
2Ao ngke e a tia ni boraraoi ma taani m'akuri b'a e na kabooia n tatabeua te tenari n te bongina, ao e kanakoia nakoni nnen arokana te kureebe.
3Ao e a manga nako naba teuarei n te aoa ruaiwa, ao e noriia aomata tabem'aang b'a a teitei n aoriia n te tabo ni m'akete;
4ao e taku nako ia, ‘Kam na nako naba nakoni nen te kureebe, ao N na kabooingkami n ae riai.’
5Ma ngaia are a nako.
Ao e a manga nako naba teuarei ngke e a tawanou, ao n te aoa tenua n te tanimaeaontaai, ao e a manga katotonga naba arona are rimoa.
6E a manga nako naba ngke e a kani bo te aoa nimaua, ao e a manga noriia aomata tabem'aang b'a a teitei; ao e titirakiniia ni kangai, “Kam aera ngkai kam aoringkami n teitei ma ngke e ingabong ni karokoa ngkai?”
7A taku nako ina, ‘B'a akea ae kam'akurira.’ E taku nako ia, ‘Kam na nako naba nakoni nnen te kureebe.’
8Ngke e a tairiki, ao e taku teuare ana b'ai te nne n aroka nakon aia mataniwi taani m'akuri, Ko na weteia taani m'akuri, ao anganiia nako boon aia m'akuri: anganiia moa ake a roko rimoa.
9Ao ngke a roko uake a kam'akuraki n te aoa nimaua, ao a katoaaki n anganaki booia ae tab'anin i bukin te bong ae b'anin.
10Ao ngke a roko uake a moa ni kam'akuraki, ao a taku n aia iango b'a a na karekea ae m'aiti riki; ma a katoaaki n anganaki naba booia ae ti te bo ma uake a moan anganaki.
11Ngke e reke i rouia booia, ao a ngurengure iroun teuare kam'akuriia,
12Ao a taku, “A m'akuri uake a roko rimwi i nanon ti teuana te aoa, ao ko kabooia ni kaboraoiia ma ngaira, aika ti uota rawawatan te m'akuri i nanon te bong ae b'anin i aani korakorani kabuebuen te riringa!”
13Ao ngaia, e kaeka temanna i rouia, ni kangai, “Raou, I aki karaoa ae bure nako im; tiaki ko boraraoi ma ngai i bukin are ti a tia ni kariaia?
14Anaa boom ao naako! I kan angan ae rimwi ni kaboraoia ma ngkoe.
15Tiaki b'a iai i rou te inaomata ni karaoa ae I tangiria ma au b'ai? E aera b'a ko na moanoku ngkai iai i rou te nano n akoi?”
16 ake a na b'ainingareia, a na kataerea, ao a na kamatea n te kaibangaki; ma E na manga uti n te katenibong.”
Ana Bubuti Tinaia Iakobo ma Ioane(Mareko 10.35-45)20Ao ngkanne e roko buun Tebetaio ma natina mm'aane iroun Iesu, ao e katorobubua ni bobaraaki i matana ni karinea, ao e butiia Iesu n te aro n anainano.
21Ao E taku Iesu nako ina, “Tera ae ko tangiria?”
E taku neierei nako Ina, “Ko na tua b'a a na tekateka natiu aika uoman aikai, temanna i angaataim, ao temanna i angamaingim, ngkana Ko a taua nakoam n uea.”
22Ma E kaeka Iesu ni kangai, “Kam aki ata te b'ai ane kam bubuti i bukina. Kam kona ni moi ni m'angkon te karawawataki ae N nangi nimma?”
A taku nako Ina, “Ti kona.”
23E taku nako ia, “Kam na boni moi n au m'angko, ma tiaki au b'ai te anganingkami te kona n tekateka i angaataiu ao i angamaingiu; e ti katauaki i bukiia te koraki ake E a tia Tamau ni katauraoia i bukiia.”
24Ngke a ongo aei reirei ake tengaun, ao a un irouia Iakobo ma Ioane.
25 ko na nanoangaira!”
31Ao a takuaki irouia aomata, ao a tuangaki b'a a na aki karongoa; ma a kanenei riki b'anaaia n takarua ni kangai, “Te Uea ae Natin Tawita, Ko na nanoangaira!”
32Ao E tei Iesu, ao E weteia, ao E taku, “Tera ae kam tangirai iai b'a N na karaoia i bukimi?”
33A taku nako Ina, “Te Uea, ti tangiriko b'a Ko na angani matara te kona n noraba!”
34E nanoangaiia Iesu, ma ngaia are E riingi mataia ao a noraba naba; ao a iria.
Who We AreWhat We EelieveWhat We Do
2025 by iamachristian.org,Inc All rights reserved.
