1Kam na ongora kain Iteraera nakon te rongorongo ae e taekinna te UEA i bukimi ngkami aika kam kaotinakoaki mai Aikubita.
2“Bon ti ngkoe ae I a tia n rineiko man kawakiniko mai buakoia te botannaomata; ao bon anne bukina ngkai I bati ni karawawataingkami n ami bure mani katuaaingkami i bukiia botannaomata.”
Tib'angan Te Burabeti3A kona n uaia n airi aomata aika uoman ngkana a tuai moa ni kaitibo?
4E kona ni bekorara te raian n te buakonikai ngkana akea kanana?
E kona ni bekorara te raian ataei man b'angana ngkana e tuai reke konana?
5E kona ni m'ane te mannikiba n te b'ai ni kam'ane ngkana akea abeana?
E kona ni kam'ane te b'ai ni kam'ane ao akea konana?
6Ana kona n aki maaku aomata ngkana e tang te bu ni kaota buakanakin te kawa?
Ana kona n roko buaka n orea te kaawa ngkana e aki karokoa te UEA?
7E na bon aki karaoa te b'ai teuana te Uea ae te UEA ngkana e tuai kaota moa nanona ae e raba nakoia ana toro aika burabeti.
8Ngkana e bekorara te raian ao ai antai ae e na kona n aki maaku?
Ngkana e taetae te UEA ae te Atua ao ai antai ae e na totokoa taetaekinan ana taeka?
B'akan Taamaria9Tuangiia ake a maeka ni bareti ake i Aikubita ma Atitota b'a ana bane n roko n ikotaki i aon maunga ake a katobibia Taamaria b'a ana noori taiani bure ma kairua ake a karaoaki i nanona.
10E taku te UEA, “A kaikoi ni mwengaia b'aai aika a reke man m'akuri ni iowawa, ao man m'akuri aika a bure, b'a aki ata te riai.
11Ma ngaia are a na otab'aniniaki irouia aia kairiribai, ana urui aia nono, ao ana kurib'ai mwengaia.
12E taku te UEA, “Ai aron te tia kawakin tiibu ae kunei tii uaai rangan ke tii taningan te tiibu ae e kanaki iroun te raian ao ai aroia naba I-Tamaria b'a tii tabeman ake ana reke maiuia mai buakoia. A na reke aia tai ni uoti b'ain aia auti.
13Ongora ngkai ao kauringiia kanoan Iakob'a,” bon ana taeka te UEA ae m'aaka.
14“Ngkana I oroia Iteraera n te bong arei i bukin aia bure, ao n na urua baonikarean Betaera. Ana bane ni b'aka i aontano koron taian baonikarea.
15N na urui autin bong aika a kam'aitoro ao autin naba bong aika a kabuebue. A na b'aka naba auti ake a katamaroaaki ni koron taian man n aron te ereb'anti ao ana bane n uruaki auti aika korakora.”
Who We AreWhat We EelieveWhat We Do
2025 by iamachristian.org,Inc All rights reserved.