1E onrake atuu n taeka aika tamaroa
ngkai I otea te kuna aio i bukin te uea.
Ao N na kabongana b'anaau
n ai aroni kabonganan te kai ni koroboki
iroun te aomata ae rabakau ni koroboki.
2Te kabanea ni botonim'aane ngkoe;
Te tia taetae ngkoe ae ko wikateke.
E aki toki ni kakab'aiako te Atua.
3Kabaea am kabaang i rarikini babatim, ngkoe ae ko ninikoria;
ko mimitong ao ko karineaki.
4Ko na buti ma te mimitong i aoni baom nakon te tokanikai, i bukin te koaua,
te nanoanga, ao te eti.
A na reke am tokanikai aika ab'ab'aki i bukini korakoram.
5A kakang kanoan am kainikatebe;
A ewari buroia aiam;
A b'aka botannaomata
i rarikini waem.
6E na teimatoa n aki tootoki ueam
are E a tia n anganiko te Atua;
Ko tautaekaniia am aomata ma te eti;
7Ko tangira te maiu ae e raoiroi, ao ko riba ae buakaka.
Ao anne bukin ae E rineiko iai te Atua, ae Atuam;
Ao E karaoiko b'a ko na kukurei riki
nakoia uea nako.
8A bane niiniiram ni boiarara ni boini b'aa aika boiarara;
A kakukureiko taani katangitang n aia b'ai
ni katangitang i nanon auti aika bareti
aika katamaroaaki ni koroia ereb'anti.
9I buakoia aine n am katawanang bon natiia uea,
ao i angaatain am kaintokanuea ao e tei iai te ueanaine,
ni katokai i aona b'aai ni katamaroa aika karaoaki man te koora ni koaua.
10Ngkoe ae buun te uea, ongora n te b'ai ae N na taekinna:
M'aninga taekaia am botannaomata ma am utu.
11E na tangiriko te uea i bukin tamaroam;
am mataniwi ngaia, ma ngaia ae ko riai n ongeaba i rouna.
12Ane a na nikiri b'aintangira I-Turo nakoim;
Ao ane a na kataia akana kaub'ai n iangoa reken ae ko na tatangiriia.
13E mena te aine are na iein ma te uea n te bareti-ai botonaine ra!
E karaoaki ana kunnikai n te karai ae te koora.
14E kairaki nakon te uea ma kunnikaina ae mataraoi i aona;
Ao e iraki nakon te uea irouia taani katoa aika aine,
ao ni uotaki naba ngaiia nako ina.
15A roko ma te kim'areirei ao te kukurei
ao a rin n ana bareti te uea.
16Ane a na riki natim ma tibum
b'a taan onei mwiia am bakatibu n riki b'a uea;
Ao ko na katautaekaia i aon aaba ni kabane.
17N na karaoa ae e na ururingaki aram n rooro nako;
Ao a na bane aomata nako ni kamoamoako n aki tootoki.
Who We AreWhat We EelieveWhat We Do
2025 by iamachristian.org,Inc All rights reserved.
