1I kaangai, N na taraa raoi kawaiu
ao N na taua neweu man te bure;
N na katokai baiu n rabun wiiu
ngkae a mena i rariku taani bure.
2Ma ngke I aki taetae ma n rau,
ao n aki atonga naba te raoiroi teuana,
ao kurakaiu e tabe n rikirake.
3E rikirake bueen nanou,
ao ngke I tabe ni iango, ao e a rikirake riki bueen nanou;
ao n tokina I a taetae ao I taku:
4“Te Uea, kaoti nako iu m'aitin au bongi ni maiu;
N ningai ae n na mate iai?
ao kaotia naba nako iu b'a e na kanga tokin maiu.”
5Moan te uarereke au bongi ni maiu;
m'aitin au ririki ni maiu bon te akea i matam.
Te maiu aei kaanga mwemwen te ang,
6kaanga ai aron te nuu.
Baika a karaoi, bon akea nanona;
e na kaikoi kaub'aina, ao n aki ataia b'a antai ae e na b'ain i mwiina.
7Te Uea, tera ae I kantaningaia?
E mena au kaantaninga iroum.
8Kamaiuai mani bureu nako,
tai karikai b'a aia b'ai ni ngare nanobaba.
9I aki ngongoo; I aki taetae naba teutana,
b'a boni ngkoe ae ko karika aei.
10Kararoa am Rekenikai mairou;
I bon rawata n oron baim.
11Ko boaiia ma n reireiniia aomata man aia bure;
ao ko kamaunai kaub'aia kaanga te m'ata
te aomata boni kaanga te nu.
12Te UEA, Ongo au tataro,
ongo tangu ni kani buokaki;
tai kabonoa taningam nakon ngurengureu.
I maeka ma ngkami b'a,
ami iruwa, ao N na boni waetata n nako.
13I a butiiko ma tai manga bononnanoai, b'a I aonga ni manga kim'areirei
i m'ain ae I nako, ao I a aki manga oki.
Who We AreWhat We EelieveWhat We Do
2025 by iamachristian.org,Inc All rights reserved.
