1A biri nako aomata aika a buakaka
ngkana bon akea ae e kakioia,
ma a ninikoria kaanga te raian
aomata akana a eti maiuia.
2N tain te bubuaka
ao a nang m'aiti taani kairiri,
ma te tia kairiri ae iangoraoi
e kawakina te tua ma taian kaetieti.
3Ngkana e a manga onomwi te aomata ae e maiu ni kainano
mani kairiia aika a maiu ni kainano ni karawaawataia,
ao bon kaanga ai aron te karau ae e korakora
ae e uruan aron uitan te tawaana.
4E neboa te aomata ae e buakaka taan urua te tua,
ma a aki toki ni kaitaraaki n taai nako
irouia aomata aika a kaawakin taian tua.
5A aki ataa te babaaire ae eti
aomata aika taani bure,
ma a atai raoi
aomata aika a karinea te UEA.
6E raoiroi riki te maiu ni kainano
ma te maiu ae e raoiroi,
nakon te maiu ni kaub'ai
ao karaoan ae e aki riai.
7Bon te waaki ni wanawana
te ongotaeka nakon ana Tua te Atua,
ma ko kamamaaeia am karo
ngkana ko iraorao
ma aomata aika akea manenaia.
8Ngkana ko kareerekea am m'ane man
kabuuburaan am raka,
ao ane e na bua ni kabane nakon temanna
ae e tararuaia aika a maiu ni kainano.
9E aki konaa ni kukurei te Atua n ongora aia tataro
aika a aki ongotaeka
nakon ana Tua.
10Ngkana ko kairiia aomata aika a raoiroi nakon te bure,
ao ko boni kena iai te m'anono bon i bukim,
ma akana a raoiroi maiuia
a na raneanea aia bong aika a na roko.
11A iaiangoia aomata aika a kaub'ai
b'a a na rietaata,
ma e na nooraki aia iango
iroun te aomata ae e maiu ni kainano ae e iango raoi.
12E na karaoaki te bootaki ni kukurei
ngkana e tokanikai te aomata ae e raoiroi;
ma e raoiroi riki ngkana ti karabaira
ngkana e tautaeka te aomata ae e aonikai.
13Ngkana ko aki raraoma n am bure,
ao e na aki koro bukin am iango.
Ma e na akoiko te Atua
ngkana ko kab'araa am bure
ma n aki manga okiri.
14E kakab'aiaia aomata nako te UEA
akana a maaku ni karaoa ae e buakaka,
ma tokim te reke n te kabuanib'ai
ngkana ko iowawa.
15Ti te bo ma te raian ae e bekorara
ke te bea ae e karana kanana,
te tia tautaeka ae e aki karaoa ae e aki riai nakon ane e maiu ni kainano.
16Bon te nanobaba te tia kairiiri ae akea ana atatai,
ma e na ab'ab'aki maiun
ane e rawa ni karekei kaub'aina
man aonikaiaia aomata.
17Tai buokiia taan tiriaomata!
Katikuia ni bon aia waaki
ni kabane bongin maiuia.
18E na kaawakiniko te raoiroi,
ma a na bane ni b'aka
aomata nako akana a aonikai.
19M'akuri korakora
ao ane e na rawata kanam;
te kabane tai, ao a na m'aiti
am kangaanga.
20E kakab'aiaia ana aomata aika a kakaonimaki te Atua,
ma e katuaaia ni kabane akana a tangiria
ni kan riki ni kaub'ai n te tai ae e waekoa.
21E bon aki raoiroi b'a ko na karaoa ae e aki riai,
ma tabeman a konaa ni karaoa te kamaraato
ti n te m'akoro ni kariki ae e uarereke.
22Tai iaiangoia b'a ti ngkoe te aomata
ma n rangi ni iangoia b'a ko na kaub'ai
b'a ane ko na manga aki toronib'ai riki
nakon are ko kaantaningaia.
23E butim'aeaki riki
te reirei ae e raoiroi
nakon te kamoamoaaki.
24Ngkana ko aonikaia am karo
ma n aki tabeakina am kaairua,
ao bon te kimoatoo ngkoe.
25A kareerekea te kangaanga aomata aika a ti iaiangoia i bon irouia,
ma e na teetekeraoi maium
ngkana ko onimakina te UEA.
26Bon ti nanobaba aika a onimakin
aia iango n ti ngaiia,
ma ngkana ko maiu ni wanawana,
ao ko na karaoa ae te raoiroi ni kabane.
27E na kaawakiniko man te maiu ni kainano
te angab'ai nakoia aika a maiu ni kainano,
ma ngkana ko kamatuua matam
nakon kainanoia
ao ane a na kamaraiako aomata ni kabane.
28Ngkana a tautaeka aomata aika a aonikai,
ao a na bane aomata ni kataia ni karabaia,
ma n te tai are e b'aka iai m'aakaia,
ao a na kaoti aomata aika a raoiroi n taabo nako.
Who We AreWhat We EelieveWhat We Do
2025 by iamachristian.org,Inc All rights reserved.
