1Ao e taku Iobi,
2“Tao ana maan ra karawawatan nanou
n ami taeka?
3E aki tau tebwina te tai
ni kamamaaeai?
ma kam aki mamaa iai?
4E ngae ngkana tao I bure,
ma kam aki maraki iai.
5Kam taku b'a kam raoiroi riki nako Iu,
ao kam tarai au kangaanga b'a taiani b'ai ni kakoaua i bukin au bure.
6Kam aki ataia b'a bon te Atua ae karaoa aei?
E a tia ni katauraoa te kai ni kab'aru i bukin kam'aneau.
7Nooria, I totokoa aron ana kamwengabuaka,
ao bon akea ae kakauongo;
akea ae ongo tangiu i bukin te eti.
8E a tia ni kaina te kawai te Atua, ao I aki kona n rin iai;
E a tia ni karaba kawaiu n te rotongitong.
9E a tia n anai kaub'aiu ni kabane,
ao E kamaunaa karineau.
10E oreai n aki akaaka,
E kouwakaaea au kaantaninga,
ao E katukai b'a N na rai ma ni mate.
11E un te Atua ao E rangin korakora unna nako iu;
ao ni karikai b'a ana kairiribai ae moan te buakaka
12E kanakoa Ana taanga ni buaka ni buakanai,
ao a otab'aninia au auti n rianna.
13E a tia te Atua ni karaoia au utu b'a a na kiitanai;
a manga aki kinaai aomata ake a bon kinaai ngkoa.
14A bane n tia n nako au koraki ma raoraou nako.
15A manga m'aninga taekau aomata ake I kairuwaia ngkoa n au auti,
ao au toro te aine, e a manga karaoai b'a kaanga te iruwa ao te ianena.
16E aki kaekaai te toro ngkana I weweteia
e ngae ngkana I bubutiia b'a e na buokai.
17E aki kona moan boiraan ikeikeu bu,
ao e kararoa teuare tariu mai rarikiu.
18A b'ainingareai taian ataei, ao a ngareakinai ngkana a noorai.
19A taraai raoraou ma te mata n riribai.
A manga taboribaai raoraou ake I tangitangiri ma ngaiia ngkoa.
20A b'arukuruku kuniu i aon riiu,
ai ti terekena maiu.
21Nanoangaai! Bon raoraou ngkami!
E a tia n oreai te Atua ni kab'akaai ni baina.
22E aera ngkai kam na b'ainikirinai n ai aron are E karaoia naba te Atua nako Iu?
E tuai man toki nanomi ni kamarakai?
23Ai tera ngke iai te aomata temanna ae uringi au taeka,
ao e koroi n taui mwiia n te boki!
24Ke ni koroi i aon te atiibu n te unika
b'a aonga n aki kona ni manga mauna.
25Ma I ataia b'a n tokin aei,
ao iai temanna ae na roko mai karawa n tei i buku.
26E ngae ngke e a tia kuniu aei ni kanaki n te aoraki
ma N na bon noora naba te Atua i nanon rab'atau aei.
27N na bon nooria raoi ni matau,
ao E na aki iruwa i Rou.
28“Ti na kanga ni kammarakia?
ao Ko kakaea aonam ni buakanai.
29Ma ngkai, Ko riai ni maaka te kabaang
te kabaang are uota unin te Atua i aon te bure
b'a ko aonga n ataia b'a iai te tia motiki taekaia aomata.
Who We AreWhat We EelieveWhat We Do
2025 by iamachristian.org,Inc All rights reserved.
