1Te UEA, ongo irou ao buokai,
B'a I kaawa, ao e kai nanou.
2Kamaiuai man te mate i bukina ngkai I kakaonimaki nakoim;
Kamaiuai, b'a am Toro ngai ae I onimakiniko.
3Te Uea, Ko na nanoangaai,
b'a I aki toki n tatataro nakoim.
4Te Uea, kakukureiai, ngai ae am Toro,
b'a a waerake au tataro nakoim.
5Te UEA, Ko raoiroi ao Ko kab'ab'arai buure;
E bati am Tangira nakoia akana tataro nakoim ni kabaneia.
6Te UEA, ongora n au tataro;
ongo b'anaau ni bubuti buokau.
7I weteiko n te tai ae e kai nanou iai,
i bukina b'a Ko ongongo n au tataro.
8Te UEA, akea te atua temanna ae ai arom,
Ao akea i buakoia ae e a tia ni karaoa are Ko a tia ni karaoia.
9Ane a na bane n roko ni bobaraaki nako Im
botannaomata nako ake Ko a tia ni karikiia;
Ane a na kamoamoaa aram.
10Ko kakannato ao Ko karaoi baika kamimii;
Bon ti Ngkoe te Atua.
11Te UEA, Ko na reireiai te bae Ko tangiria b'a N na karaoia,
Ao N na ongeaba nakoim ma te kakaonimaki;
Ko na reireiai b'a N na toro iroum ma te aki nano-tiotio.
12Te UEA ae Atuau, N na neboiko ma nanou ni koaua;
N na kamoamoa aram n aki toki.
13Ai batiraa am Tangira nako iu!
Ko a tia ni kamaiuai ngke N nangi mate.
14Te Atua, a roko n eekainako akana kainikatonga;
A kani kamateai te koraki aika kakam'arua
te koraki aika akea karineam irouia.
15Ma Ngkoe, te UEA, bon te Atua
n nanoanga ma n tangira;
Ko aki kakai un, ao Ko b'ab'aina te
te ataataiaomata ma te koaua.
16Tani mai nako iu, ao nanoangaai;
kakorakoraai ao kamaiuai,
b'a i touatiniko kanga ai aron ana m'akuri tinau
17te UEA, Ko na kaota nako iu kakoauan am Raoiroi;
Ane a na mamaa akana ribaai
ngkana a nora ae Ko anganai kabebeteau ma buokau.
Who We AreWhat We EelieveWhat We Do
2025 by iamachristian.org,Inc All rights reserved.
