Etira Taekan te boki aei - Kiribati New Version Bible

Taekan te boki aeiE aranaki te boki aei man aran te aomata are boni ngaia rongorongona aika a koreaki iai.E toki rongorongon te boki ae te 2 n Rongorongo n ana rongorongo uean Botia are Tairati are e kanakoa n 538 te ririki i m'ain bungiakin te Tia Kamaiu are e kainaomataia iai Iutaia, b'a a na oki nakon abaia ma ni manga katea ana Tembora te UEA. E moanaki moan iteran kanoan te boki ae Etira (1—6) N te rongorongo naba anne ao i mwiina, e taekina m'aitiia Iutaia ake a okira Ierutarem, ao mani moana te m'akuri i aon te Tembora. Ma a m'aiti taiani kangaanga are a riki nako ia mai rouia aomata ake a maeka n taabo nako ake i rarikiia. Ma ngaia are, e riki ni butimeere iai waakin te m'akuri, ao ni kamaana te m'akuri nakon tabeua riki te ririki. Ma e tia raoi karaoan te Tembora n 515 te ririki i m'ain bungiakin te Tia Kamaiu.Moani m'akoron te boki, e bon taekin naba taiani kangaanga ngke a katoka manga karaoan oon te kaawa are e buubura Iutaia i nanon ana tai n tautaeka Aatuereti (4.6-23).Kauouan m'akoron te boki (7—10) e moanaki man rokon Etira i Ierutarem n reireiniia aomatan Iuta ana tua te Atua. E maaku Etira ngke e a ataia ae bon ti te bo naba aia bure Iteraera ma te bure are a karaoia botannaomata ake tekorakina. E a reke Iteraera n te kangaanga ae e rangi ni korakora ngkana a katuaaeaki ke ngkana a kamaunaaki iroun te UEA. Ma ngaia are, e tataro Etira, ao e buubuti kab'araan aia bure Iteraera, ao a kariaia aomata b'a a nang moana ongotaekaia nakon ana tua te Atua. E taekin naba b'aai tabeua Etira ake e karaoi Neemia.A aki manga riki b'a te botannaomata ae e inaomata ana Aomata te Atua, ma e ataia Etira ae e bon taua naba taekaia te Atua, e ngae ngke e tauaki taekaia n te tautaeka teuana. Ma ngaia are, e taku Etira:Neboa te UEA ae te Atua ae Atuaia ara bakatibu. E boni kakoauaa raoi b'a e bon karineaki ana Tembora te UEA i Ierutarem iroun te uea. E a tia te UEA n tuanga te uea, ma ana taani iango, ao ana mataniwi aika a korakora b'a a na akoai. E a tia te UEA ni buokai, ao I a tia ni konaa ni kaokiia taani kairiiri irouia Iutaia nako Ierutarem.(7.27b-28)Oi n iango i aon te boki aei1. Okiia Iutaia nakon Mwengaia man te Kataenikaiaki 1.1—4.52. Manga Katean te Baonikarea, ao manga Moanakin te M'akuri i aon te Tembora (3.1—4.5)3. Manga Katean Ierutarem I bukin Te Kaangaanga rimwi riki. (4.6-23)4. Manga Katean te Tembora 4.24—6.225. Kairakiia Iutaia aika a m'aiti Iroun Etira n okira Ierutarem (7.1—8.36)6. Kairoroakiia Iutaia Iroun Etira b'a a na Raure ma Buuia aika Tientaire (9.1—10.44)