1Katanga te bu i aon Tion
are ana tabuki ae e tabu te UEA.
Kauringiia aomata nako b'a a na ruru ni maaku!
E nang roko ana bong ni motikitaeka te UEA
n te tai ae e aki maan.
2E na roo ao ni kananokawaki
ma nangin te buaka i aora.
A na kaona aon te maunga nako te taanga ni buaka
kaanga ai aron nangin buakan karawa.
Bon akea te taanga ni buaka ae e korakora
ae e a tia n ikotaki mai m'aaina
ke ae e na manga ikotaki rimwi.
3A na katobibiaki n taian ai aika a ura:
ao akea temanna ae e na biri nako.
Ti te bo te aba ma Eten
i m'aain kataenikaiana;
ao ngkai ti te rereua n tiku.
4Ti te bo taraaia ma taian aoti
ao a kanenei n ai aroia taan buaka i aoia aoti.
5A rurunga i aon taiani maunga
kaanga karongoaia taian kaa ni buaka,
ke taani buaka aika a korakora
aika a tauraoi nakon te buaka.
Bon ain te buakonikai ngaiia
aika a kaakana boton uteute ae e m'au.
6E kakamaaku
moan norakiia.
7A tam'arakei taian oo
kaanga taani buaka;
a m'aati ni borein
ao a aki konaa n rairaki n taraa rarikiia.
8A kanenei ni buaka ni kaineta moaia,
ao a aki kona ni butubutu ma ake i rarikiia;
a bon aki konaa naba ni kerikaaki
n taian kanoanikatebe ke taian kainiwai.
9A b'aroakina oon te kaawa
ao a nini mwengara nako;
a kawakawa i nanon taian winto
kaanga taani kimoa.
10E ruru te aonnaba irouia
ao e m'aioio taiani karawa;
a manga okirikaaki taai ma nam'akaina,
ao a toki otan taian itoi.
11E kairiia te taanga ni buaka aei te UEA ae te Atua
ae e aki konaa ni warekaki,
ao a ongotaeka nakon ana kaetieti.
E rangi ni kakamaaku
ana bong ni motikitaeka
n te aro are akea ae e konaa moana.
Ana Kakao Te UEA12E taku te UEA:
E tuai ni b'aka nako taina.
Kam bon konaa naba n okirai
ma nanomi ni kabane.
Moana tangimi ma tanginiwenei!
Kam na aki am'aam'arake.
13Kam na aki raeraei kunnikaimi
i bukin kaotan nanokawakimi.
Ma kam na okirai
ma nanomi aika a uruaki.
I nanoanga, I akoi, ao I areare.
I aki kakai un,
ao I aki tangira te karekekai.
14Bon te UEA Ngai ae Atuami.
E na mena ngkoa ao N na manga bita nanou
ma n nanoangaingkami.
Ao ane kam na kakab'aiaki
n anganaki taian uita ao te wain ae e tau
i bukin te angakarea nako iu.
15Katanga te bu i aon Tion!
Weteia aomata ni ikotiia.
Kaota nanokawakim
n aki am'aam'arake.
16Kakoauaa raoi b'a a na bane aomata
n tau nakon taromauriau.
Kanakomaia ikawai, ataei, ao taian merimeri,
ao kairiia mai naba te taanga aika a tib'a tia ni mare
man aia bootaki ni mare.
17Tuangiia au taani m'akuri, ibonga,
b'a a na tang i nanon te Tembora
ma n anga te tataro aei
i rarikin te baonikarea:
18E rangi n tabeaianga nanon te UEA
i bukin te aba aei
ao E nanoangaiia ana aomata.
19Ao E taku ngke E kaekai
aia tataro,
“N na anganingkami te uita,
te wain ao b'aan te oriwa ae e tau,
ni katoka kainanomi.
N na aki manga anga ngkami
b'a kam na kab'ainrangaki irouia botannaomata.
20A buaka te taanga ni buaka mai meang,
ma N na kakionakoia
nakon te rereua are e kabuebue.
Ao a na mka ma ni m'aung ni moa
man Taari are Mate
ni karokoa te Mereterenian.”
E karaoi taian kakai te UEA
21ao E karaoi b'aai aika a ab'ab'aki.
Ma ngaia ae kam na tuanga te tano b'a e na kukurei
22ao maan aika a aki manana
b'a a na katoka maakuia.
A manga mawaawa aaba n uteute;
a onrake n taiani uaa
kainam'arake ma taian biiku.
A onrake taian aroka aika kureebe
n taiani kureebe,
23Kaain Tion,
kam na nebonebo mani karinea
te UEA ae Atuami!
E tituaraoi b'a E karokoa
karaun te aumaiaki ma te aumeaang
n taina.
24E na kaona ami tabo
ni kaaki kun ni uita te uita;
a na taonako taian tiaeki
n te wain ma b'aan te oriwa.
E Na Kamaiuia Ana Aomata Te UEA25Boni Ngai ae te UEA ae Atuami,
ae N na kabooa mwiin b'aai aika a bua
ake a riki irouia te taanga n rookati
teuana ma teuana
ake I kanakoi b'a a na buakaningkami.
26au Aomata, kam na am'arake
ni karokoa kam rauaki.
Ao ane kam na neboai
i bukin b'aai aika a kamimii
aika I a tia ni karaoi.
Kam na aki manga
kamaamaaeaki.
27Iteraera, kam na ataia
b'a I tei i bukimi.
Bon te UEA Ngai ae Atuami
akea riki anti tabem'aang.
Kam na aki
manga kamamaaeaki.
E Na Karaoi Kamimii Te UEAE taku te UEA:28Rimwi riki, N na anga Tamneiu
nakoia aomata nako.
A na riki ni burabeti
natimi m'aane ma natimi aine.
A na mii
taiani mii ami unim'aane,
a na noori taiani kaotioti
ami rorobuaka n ataei.
29Ni boong aika N na bon anga naba
Tamneiu nakoia au taani m'akuri,
aika m'aane ma aine.
30N na m'akuri taiani kamimii
i eta i karawa
ao i aon te aonnaba i nano.
E reke te raraa ma te ai
ao taian nang ma te bubu.
31E na okirikaki taai n rotongitong,
ao nam'akaina
e na uraura kaanga te raraa
i m'aain kaotin
te bong are e rangi
ni kakamaaku arei.
32Ao ane E na kamaiuia aomata nako te UEA aika a kakaonimaki n taromauriia. E a tia ni berita b'a a na iai aika a reke maiuia i aon te Maunga are Tion ao Ierutarem, ao e na mena i buakoia te aomata are E rineia.
Who We AreWhat We EelieveWhat We Do
2025 by iamachristian.org,Inc All rights reserved.
