1Ao ngke e maan te karau n aki b'ab'aka, ao E tuangai te UEA b'a n na kangai nako ia aomata:
2A tang Iuta ma Ierutarem
ngke e a m'autakataka te aba.
3A kanako ia aia taani m'akuri taan tautaeka
nakon taabo ike a kaawakinaki iai taian ran.
Ma bon akea naba iai;
ao a okirikaaki ma te b'arannano
ao aia tiaeki aika bon akea naba kanoaia.
4E a maan te tai ae e aki iai b'aka te karau,
ao a aoraki taan ununiki
ngke a matakuakina tabwenabwenan aon te aba
i aon te tano ae m'auteretere.
5E bungia natina te ria i nanon te tawaana,
ao i mwiina, e kiitana bunna are e tib'a bungiaki
ao e nako ni kakaaea te uteute.
6A mataki taian ati ake a aki manana
i bukin korakoran te mate ni baki.
Ma ngaia are, a tei i aon taian tabuki
ao a kaaneneboia te ang,
ma aia kaantaninga b'a a na aroka boin te uteute ae e mawaawa.
Aia Tataro Ana Aomata Te UEA7Tiaki mutiakiniko ao ti karaoi baika a rangi ni buakaka
ma e riai b'a ti na katuaaeaki.
Ma ngkana Ko kamaiura, te UEA,
ao a na bane n noora korakoram aomata ni kabane.
8Bon ti Ngkoe ara kaantaninga;
bon ti Ngkoe are ko konaa ni kamaiura ngkai.
Ko buokiira n te bong teuana,
ma Ko a manga aki n te bong are i mwiina.
9E koaua b'a e kakubanako
te kabuanib'ai aei?
Te tia buaka Ngkoe
ae e kabaeaki baim?
Ko rineira,
ao e mena ikai am Tembora.
Ko na aki kiitaniira!
Ana Kaeka Te UEA10Au aomata,
kam tangiria n tiotio nako,
Bon akea naba ami keiaki
ni kan kaaningkami ma Ngai.
Ma ngaia are, N nang katinanikuingkami ngkai
ma ni katuaaingkami i bukin ami bure.
Bon aio au taeka Ngai ae te UEA.
Burabeti Ni Kewe11E taku te UEA, “Ieremia, ko na aki buubutiai b'a N na buokiia aomata aikai.
12Ane a na bae n aki am'aam'arake Ma ngkana a tangira buokaia, N na bon aki ongo, N aki butim'aai aia karea nako. Ao N na onea mwiin anne ni karokoa te buaka, te baki, ao te aoraki are e na kamaunanako ia.”
13Ao I kaeka ni kaangai, “A teimatoa burabeti ake tekorakina n tuangiia aomata b'a ko na bon aki karokoa te baki ke te buaka, ma Ko na anganiira te raoi.”
14Ao E kaeka te UEA ni kaangai:
A taku b'a a taetae i buku, ma a kewe! I bon aki taetae naba nako ia teutana, ao I bon aki rineia b'a au burabeti. A taetae ma ni miia aika akea manenaia, ao taeka ni kaiwa aika akea manenaia, ao oin aia iango.
15A taku burabeti ni kewe aikai b'a e na reke te rau ma te am'arake ae e m'aiti. Ma I tuangngkami b'a bon burabeti naba aikai aika a na mate n te buaka ao te baki.
16Ao akana a ongo irouia a na mate naba, n aron are e bon riai b'a e na reke nako ia. A na karenakoaki rab'ataia nako nanon kawain nuukan te kaawa i Ierutarem, i bukina b'a a na mate naba aia utu, ao a na akea ae e na tiku ni maiu, are e na tauniia.
17Ieremia, naako tuangiia aomata am namakin i aon te b'ai aei.
Ma ngaia are, I tuangiia ni kaangai:
“E na taonako rannimatau
n te ngaina ma te bong,
i bukina b'a a mate au botannaomata
n te ikoaki ae e korakora.
18I noora rab'ataia aika a mate n te buaka
i nanon taian tawaana.
Ao I nooria aika a mate ni baki
i nanon taiani kaawa,
ma a bon waaki aia m'akuri
taian burabeti ma ibonga,
n aki ataa te b'ai
ae e a tia n riki.”
Ana Tataro Ieremia Nakon Te UEA19Te UEA, Ko a katinanikua Iuta?
Ko a ribaa Ierutarem?
E aera ngkai ko orea rikaaki Iuta:
n te ikoaki ae moan te korakora?
Ti a kaman kakantaningaa te rau
ao te tai ni kamaiu,
ma bon akea te b'ai ae ti karekea b'a ti te b'ai ae e kakamaaku.
20Ti a tia ni bure nakoim
ma ara bakatibu.
21Ngkana Ko kamaiura, ao ane e na kaota
aron korakoram.
Ko na aki kariaia am kairiribai
b'a e na kam'araea am Tembora,
are Am kaintokanuea ae e tamaroa.
Ko na aki m'aninga are Ko a tia ni berita
b'a Ko na kamaiura.
22A aki konaa ni karokoa te karau taian bouannanti,
ao a aki konaa ni b'aka tamruru ni karau
i bon irouia.
Bon ti Ngkoe ae Ko konaa n taua aron te karau,
ma ngaia are, ti katikui ara onimaki iroum,
Ngkoe ae te UEA ae Atuara.
Who We AreWhat We EelieveWhat We Do
2025 by iamachristian.org,Inc All rights reserved.
