Itaia 46 - Kiribati New Version Bible

Akea Te B'ai Ae A Konaa Ni Karaoia Atuan B'aburonE taku te UEA:

1A b'aka i aoni waeia,

te anti are Bere ao Nebo

ngke a uotaki nako

bannaia ake taiani kai

i aoia maan aika a korakai.

2A b'aka i aon bubuaniwaeia

ni kakaaea angan kabebetean te uota,

ma a bon uotaki naba taiani bouannanti

nako abaia ianena.

3Ngkami aika nikira ni maiu i Iteraera,

tii ongora irou, Ngai ae te UEA.

I a kaman uouotingkami

ni moa man te tai are kam a tib'a bungiaki iai.

4Ao N na bon karaoa naba anne

ngkana kam a kara ma ni iaia,

ao N na bon kaawakiningkami.

I karikingkami. I uotingkami

ao I tararuaingkami n taai nako.

5Iai iroumi ae e konaa ni kabootaua ma Ngai?

Iai ae e booraoi ma Ngai?

6Tabem'aang aomata a kabooia taani karaobiti

ao a anga taian tirewa ao taiani koora

b'a e na karaoaki mai iai te bouannanti

b'a a na taromauria.

7A uouota te bouannanti

i aon angaia,

ao i mwiina a katokaa i aon te kaintei,

ma e aki konaa ni kakam'akuri.

A weewete nakon te bouannanti

ngkana a reke n te kaangaanga

ma e bon aki kaekaia,

ao e bon aki konaa n anga a na i buobuoki.

8Kam na kaaki inanomi te baei,

ngkami aika aomata aika taani bure.

Ao kam na aki m'am'aninga.

Bon Ti Te UEA N Ti Ngaia Te Atua

9Bon ti Ngai te Atua!

Bon akea riki atua i rarikiu;

bon akea naba n ai arou.

Kam na iangoi baika a tia n riki

n ririki aika a b'aka nako.

10I a kaman taekin baika a na riki

mai moana,

i m'aain ae a riki.

I kakoroa bukin au taeka

11ao I karokoa

temanna man te aba ae e raroa nako

b'a e na karaoa te b'ai ae I tangiria.

E buaka mai mainiku,

kaanga te aoki ae e kiba rikaaki.

Ao ngkai N na kakoroa bukin au berita

ma ni karaoa te b'ai are I a tia ni iangoia.

12Kam bon taningabono ngkami aika aomata

ao kam a kan reke n te kangaanga,

kam na kakauongo nako iu.

13N na waekoa n roko ni kamaiungkami.

I a kaan

ao N na bon aki kabane tai;

I kakatia iroun Iteraera

ao N na kamaiua Iteraera.