1Bon iai naba te b'ai ae moan te aki riai, ao e kariki aia kaangaanga aomata nako n te aonnaba.
2Ngkana tao e anganiko te Atua b'aai nako aika ko tangiri n aron te m'ane, am b'ai, ao te kaub'ai. I mwiina, e a manga aki kakukureiko te Atua n am b'ai, b'a a manga reke ni kabane am b'ai iroun te aomata ae ko aki kinaa. Bon anne te iango ae akea nanona ao moan te aki eti!
3E konaa n rangi n ab'ab'aki maium, ao ni karikiia natim iai aika tebubua m'aitiia. Ma e raoiroi riki nakoim te ataei ae e bungiaki ni mate, ti ngkana ko kukurei n te maiu, ao ko taunaki raoi ni matem.
4E na aki manga noora taai te ataei anne ke e na aki aranaki, ao e na m'ananga ni kaineta te aonnaba are e rootongitong.
5Ma e na reke riki i rouna te motirawa nakoim,
6e ngae ngkana ko maiu i nanon uoua tengaa te ririki ao ko aki kukurei n te maiu aei. N aron ae ko ataia, ti te bo te tabo ae ti na bane n toki iai.
7Ti korakai i bukin karekean karara ae e tau, ma ti bon aki konaa n rauaki.
8E ngae ngkana ti iangoraoi, ma e raoiroi riki te nanobaba nakoira. Ao ngkana ti a manga maiu ni kainano, ao bon akea naba raoiroina are e na konaa n anganiira maiura ae e raoiroi.
9E raoiroi riki te kukurei n te b'ai ae iai iroum nakon tangiran riki b'aai tabeua, b'a bon akea nanon anne b'a bon ti kakiokioan te ang.
10B'aai ni kabane aika a riki boni baika a kaman baaireaki n taai ake ngkoa. Ti bon atai aekakira ngaira aika aomata, ao ti bon aki konaa ni kauntaeka ma te Atua, b'a e bon rangi ni korakora i bukira.
11M'aitin ara b'arantiko boni m'aitin akean nanon ara taeka, ma ngaia ae ai tera nanon ara b'arantiko?
12E uarereke te maiu ao akea nanona, ao e mauna nako kaanga te nu. Antai ae e ataa te b'ai ae e rangi n raoiroi i bukira? Antai ae e ataia b'a tera ae e na riki ngkana ti a nako?
Who We AreWhat We EelieveWhat We Do
2025 by iamachristian.org,Inc All rights reserved.
