1E aki tangiria te Uea b'a a na taromauriia antiia Ianena Iteraera.
2Ma ngaia are, E a tia ni kauringiia b'a a na aki iein ma aine aika tiaki Iteraera.
Ao e tangira buuna Toromon are natin uean Aikubita. Ma e tangiriia naba aine tabem'aang mai Moaaba, Ammon, ao Etom, ao tabeman mai Titon ao man abaia kaain Eta.
3Itibubua buuna aika taian natinuea aine, ma e boni mare naba ma 300 riki aine.
4Ao ngke e a kara Toromon, ao a kairiia tabem'aang b'a e na taromauri antiia. Bon tiaki aron tamana are Tawita, are e bon ti tataromauria te UEA ae te Atua.
5Ao Toromon E tataromauria te anti te aine are Nei Atitoreta are antin Titon, ao Mirekom are antiia kaain Ammon ae e rangi n ribaaki.
6E taromauria te UEA taman Toromon ma nanona ni kabane, ma e aki ongotaeka Toromon ao e karaoi baika E aki kukurei te UEA iai.
7E karaoi taian baangota Toromon i aon te tabuki are i mainikun Ierutarem i bukin taromaurian Kemoti are antiia kaain Moaaba ae e rangi ni kam'araa, ao Moreka are antiia kaain Ammon ae e rangi ni kam'araa.
8E bon karaoi aia baangota buuna ake ainen aaba tabeua n tatabemaniia nako, b'a aonga ni boni kona ni kabuokii aia b'ai ni kaboiarara man anga aia karea nakon antiia i bon irouia n tatabemaniia.
9E a tia ni kaotia, uoua te tai te UEA ae Atuan Iteraera nakon Toromon, ni kauringnga b'a e na aki taromauriia antiia Ianena.
10Ma e aki ongotaeka toromon, ao e bon taromauriia naba antiia ianena. Ao e a rangi n un iai te UEA
11ao E taku nakon Toromon,
Ko boni karaoa ae ko tangiria, ao ko aki karaoa are I tuangko. Ma ngaia ae ngkai N nang anaa abanueam mai iroum, ao N na angan temanna mai buakoia am aobitia.
12Ma ko na bon uea ni kabane bongini maium i bukina ngkai tamam Tawita. N na tataningaa te tai are e na uea iai natim te m'aane, ao I anaa te abanuea mai i rouna.
13Ngkana I karaoa aei, ao N na anganna naba teuana te baronga b'a e na tautaekanna, i bukin au tia m'akuri are Tawita, ao i bukin naba Au kaawa are Ierutarem.
E a riki Atata b'a ana kairiribai Toromon14Bon kaain te utu ni uea mai Etom te aomata are Atata, ao e karikaki b'a ana kairiribai Toromon iroun te UEA.
15N te tai teuana i m'aiin ngke e kataenikaia te botannaomata are i Etom Tawita, ao e m'ananga nako ikekei te kam'aanta are Ioaba b'a e na tauniia ake a mate n tai te buaka.
16Ao e tiku ikekei Ioaba ma ana tautia i nanon onoua te nam'akaina ao a tiringiia m'aane ma ataeinim'aane ni kabane ake a maeka ikekei.
17Bon te ataeinim'aane Atata n te tai anne, ao e biri nako Miria ma tabeman ana aobitia tamana. Ao ngke a roko i B'aran, ao a manga iri tabeman m'aane, ao a nako uean Aikubita.
18Ao e tatangira Atata te Uea, ao e anganna kanana, ao abana tabeua, ao ana auti naba.
19Ao e bon kaieina naba ma tarin te ueanaine are Nei Tabeneti.
20Ao e riki natin Atata ma buuna, ao aranna b'a Kenubata, ao e kariaia te ueanaine b'a e na ikawairake te ataei arei i rarikiia natina i nanon te bareti.
21Ao ngke e ongo Atata b'a a mate Tawita ma Ioaba, ao e taku nakon te Uea, Te Uea ae ko karineaki. Taiaoka, kariaia b'a N na nako n okira oin abau.
22Ao e titirakinna te uea, “Bukin tera?” “Iai te b'ai teuana ae ko tangiria ae I tuai anganiko?”
Ao e taku, “Bon akea ma I a tangiria n okira mwengau.”
23Ao aei aron te UEA ni karika Retom are natin Eriata b'a ana kairiribai Toromon.
E a tia ni biri nako Retom mai iroun ana toka, are Atatetera are uean Toba.
24I mwiin konakin ana taanga ni buaka Atatetera iroun Tawita, ao e bobota ana taanga ni buaka ae e uarereke Retom, ao e riki b'a te tia kairiiri.
25Ao i mwiina, e a manga nako Retom ma ana taanga ni buaka nako Tamateko, ao e a riki b'a te tia tautaeka i Turia, ao ana kairiribai Iteraera.
A kaai n riki b'a ana kairiribai Iteraera Atata ma Retom i nanon an tai ni uea Toromon, ao a karikii kamangaongao aika a bati nakon Toromon.
E karaoa ana Berita te UEA nakon Ieroboam26Boni kaain te kaawa ae Tereta i Eberaim teuae Ieroboam. E a tia ni mate tamana are Nebata, ma e boni maiu tinana are Nei Terua. Bon temanna naba ngaia ana aobitia Toromon, e ngae ngke e aki toki ni kakaitaraa Toromon.
27Ao aio aron te b'ai are e na riki.
Ngke a tabe ana taani m'akuri ni kanoai taabo ake a m'anono ma ni karaoi uruakin oon kaawa,
28ao Toromon e noora Ieroboam b'a te aomata ae e marurung ni m'akuri. Ma ngaia are, e rinea Ieroboam b'a te tia tararuaia taani m'akuri mani Manate ao Eberaim.
29Ao n te tai teuana ngke e kitana Ierutarem Ieroboam, ao e kaitibo ma Aiia, are te burabeti mai Tiiro.
30Bon akea temanna te aomata i rarikiia n te tai anne. E buuta ana kunnikai ae e boou Aiia, ao e raeraeia nakon 12 te m'akorokoro.
31Ao e taku nakon Ieroboam, “Anai tebwina te m'akorokoro man te kunnikai aei, ao kakauongo nakon te b'ai ae E na taekinna te UEA ae Atuan Iteraera nakoim. Ieroboam bon te UEA ae Atuam Ngai, ao N nang anaa abanuean Toromon mai i rouna, ao N nang anganiko mai iai tebwiina te baronga b'a ko na tautaekani.”
32Ma e na bon tiku teuana te baronga b'a e na tautaekanna Toromon i bukina ngke bon natin Tawita are au tia m'akuri, ao i bukina naba ngke Ierutarem are te kaawa ae e rineaki.
33A aki katotoonga Tawita are ana bakatibu Toromon ma Iteraera. A aki ongotaeka irou, ke ni karaoi baika a raoiroi. A tia n rairaki nako mai irou ni manga taromauria Nei Atiterota, are antiia Titon ma Kemoti are antin Moaaba, ao Mirekon are antin Ammon.
34Bon natin Tawita, teuare Toromon, ao bon au tia kairiiri Tawita ae e rineaki, are e karaoi b'aai ake i baairei. Ma ngaia are N kauea Toromon ni karokoa matena.
35Ao i mwiina, N na anganiko te bwiina te baronga b'a kona tautaekani,
36ma e na teimatoa natin Toromon te m'aane n tautaekana teuana te baronga. Ao e na teimatoa iai ana kariki Tawita are au tia m'akuri n tautaeka i Ierutarem, te kaawa are I tia n rineia b'a te tabo are N na taromauriakaki iai.
37Ko na riki b'a uean Iteraera, ao ko na tautaekaniia botannaomata ni kabane ake ko bon tangiriia.
38N na buokiko ngkana ko ongotaeka irou, ao ngkana ko karaoa naba te b'ai ae I tuangko n aron are e karaoia Au tia m'akuri are Tawita. N na teimatoa ni kakauea temanna ma am utu b'a e na uea i aon Ierutarem. E na riki te botannaomata ae Iteraera b'a am b'ai.
39N na katuaaia kanoan Tawita, ma e na aki teimatoa tuaaia.
40Ao Toromon ngke e a ataa te b'ai are E tuanga Ieroboam te UEA, e a kakaea angan tiringan Ieroboam. Ma e birinako Ieroboam nakon Titiaka are uean Aikubita, ao e a bon tiku naba ikekei ni karokoa maten Toromon.
Maten Toromon.(2 Rongo 9.29-31)41A tauaki b'aai ni kabane i nanon te boki are Rongorongon Toromon ma rabakauna i nanon ana tai ni uea.
42I mwiin ana tautaeka i nanon 40 te ririki mai Ierutarem
43ao e a mate ao e taunaki n ana kaawa tamana are Tawita. Ao e a manga uea natina are Roboam.
Who We AreWhat We EelieveWhat We Do
2025 by iamachristian.org,Inc All rights reserved.
