1E a b'aka Ierutarem, mani mangaongao, te kaawa ae e rarawa. Ae e bon karawawataia ana aomata.
2E a tia n aki kan ongo iroun te UEA, ke n aki kan karin ana rerei. E a tia n aki onimakina te UEA, ma n rawa ni bubutiia buokana.
3A bekorara aia mataniwi n ai aroia raian. Ai aroia kameanti aika bora ni baki ana taan motikitaeka, e aki kona n tiku nikiran kanaia nakon te ingabong.
4A akea onimakinaia burabeti, b'a a aki kakaonimaki: Ibonga a kabaarekai baike a tabu ao a minota ana tua te Atua nakon oin nanoia.
5Ma E bon mena te UEA i nanon te kaawa. E karaoa ae e eti ao E aki karaoa ae e bure. Ma aomata aika buakaka a bon teimatoa ni kakaraoa ae e bure ma te aki mamaa.
6E taku te UEA, “I a tia n teweia nako botannaomata. I a tia ni kamaunai aia kaawa, ao a tiku n uruaki aia oo ma aia taua. E a riki n rereua aia kaawa; a akea kaain te kaawa-bon akea nikiraia.
7Ao I taku b'a a nang tabeakinai man nanoni Au reirei nakoia, ma n aki kona ni m'aninga ake I a tia n reireia. Ma a manga waekoa naba n rairaki nakon m'akuri aika a buakaka.
8“Ma ngaia ae kam na tataninga, bon ana taeka te UEA, “taningaa te bong are n na bairei taekaia botannaomata nako iai. I a tia ni baireia i nanou b'a N na bootia botannaomata nako iai. I a tia ni baireia i nanou b'a n na botiia botannaomata ma aaba n uea nako, n te aro b'a ana namakina korakoran uran uniu.
9“Ao N na kaitiaka aia taeka botannaomata nako, b'a aonga n riki aia taeka b'a b'ain neboau; ao a na aki manga neboia anti riki tabem'aang.
10Ake a raroa i Itiobia ake au aomata ake a uamaae nako; ana uotii mai naba aia karea nako iu.
11N te tai arei, ao N na kam'awaia taan kairiri aika a kamoamoa mani kainikatonga, ao ane ko na aki manga kainikatonga n au maunga are e tabu.
12N na katikuia aomata aika a nimamannei man nanorinano; aika a kawarai ni kan buokaki.
13Ngkami aika Iteraera aika nikira ni maiu, ana bon aki karaoa te kairua nakoia tabem'aang, ana aki kewe, ana aki uarao. Ana katotongia tiibu aika a am'arake ma te rau, ana rawei motirawaia ao akea ae e na kamaiuia.
Te Anene Ni Kukurei14A bane n anene ni kukurei
aomatan Iteraera ma Iuta.
ma nanoia ni koaua
15E a tia ni katoka oream te UEA;
E a tia ni kanakoia am kairiribai.
E a mena i buakomi te UEA ae aia uea Iteraera.
Bon akea te b'ai ae ti na riai ni maaku iai.
16E a roko te tai are ana kangai iai nakon Ierutarem.
“Ko na tai maaku te kaawa ae Tion!
Tai b'arannano.
17E bon mena iroum te UEA ae Atuam
Ko na tokanikai ni m'aakana.
E kukurei te UEA iroum
ao E na anganiko te maiu ae e boou n ana tangira.
E na anene ni kim'areirei i aom.
18n ai aroia aika onrake nanoia n te kukurei.”
E taku te UEA,
“I a tia ni uotaanako rekenikaim
ao n taekaanako rawawatam.
19E a roko te tai!
N na katuaaia taan karawawatako;
N na kamaiuia ake a ikoaki
ao man kaokiia taenikai nakoni mwengaia.
N na onika mamaaia nakon karineaia
ao ana neboaki n te aonnaba ni kabane.
20E a roko te tai!
N na kaokiia ake a maaenako nakon mwengaia.
E na tanoata kakannatom n te aonnaba
ao N na manga kaoka kab'aiam,”
Bon ana taeka te UEA.
Who We AreWhat We EelieveWhat We Do
2025 by iamachristian.org,Inc All rights reserved.
