1Ao e nakon te kaawa are Tekem teuare Abimereka are natin Kiteon, ao ngke e mena ikekei, ao e kaaitibo ma ana koraki tinana
2ao e tuangiia b'a a na kaangai nakoia taani kairiiri i Tekem, E bon raoiroi b'a a na bane n tautaeka natin Kiteon ni kabane ake itingaun i aora? Ke e raoiroi riki ngkana e rineaki ti temanna te uea mai buakoia? E na rineaki b'a te uea Abimereka b'a bon ara koraki.
3Ao e maroroo ma taani kairiiri i Tekem tarin taman Abimereka, ao a kariaia, Eng, e bon riai n rineaki temanna mai buakoia ara koraki b'a e na uea.
4Ao a angan Abimereka 70 taiani m'akoro n tirewa man ana tembora antiia are B'aara Berita.
Ao e kamanena te tirewa Abimereka ni kabooia te koraki n tautia teuana aika buakaka aika a tauraoi ni karaoi b'aai nako ti i bukin te m'aane.
5Ao e nako ma ana tautia akekei nakon ana auti tamana i Obera ao a kairiia nako natin Kiteon ake tabeman nakon te b'a ae korakora, ao a tiringiia iai ni kabane ake itingaun. Ao e karabaaki mai rouia tautia natin Kiteon are te kabanea ni uarereke, ao bon ti ngaia are e reke birinakona.
6Ao a kaitibo taani kairiiri, ni ikotaki ma ibonga, ao ana aobitia te uea, n te aroka are i rarikin te b'a are tabu i Tekem b'a a na kauea Abimereka.
7Ao e ongo Ionatan te b'ai are a n a karaoia, ao e tam'arakea te Maunga are Keritim ao e takaarua rikaaki nakoia aomata ake a bootaki ni kabowi ikekei ni kaangai:
Taani kairiiri i Tekem,
ongora irou,
e na mena ngkoa
ao E kakauongo te Atua iroumi.
8N te tai teuana a kakaea
aia uea taian aroka akekei,
ao a titirakina te oriwa ni kaangai,
Ko na riki b'a ara uea?
9Ma e kaeka te oriwa ni kaangai,
E uota te karinerine kabirau
nakoia aomata ma atua
N na aki kona ni katoka karaoan kabirau,
b'a aonga m'aangau ni katiotioia
i aoia aroka nako.
10Ao a manga titirakina te biiku ni kaangai,
Ko na uea i aora?
11Ma e kaeka te biiku ni kaangai,
I bon aki kona ni katoka
katinakoan uaau aika raraoi,
ti i bukin kaburaan m'aangau
i aoia aroka nako.
12Ao i mwiina, a titirakina te kureebe ni kaangai,
Ko na riki b'a ara uea?
13Ma e taku te kureebe,
A uota te kukurei au wain
nakoia aomata ma taian atua.
I aki kona ni katoka karaoan te wain
ti i bukin kaburaan m'aangau
i aoia aroka nako.
14Ao n tokina, a nakon
te aroka ae kateketeke ao a taku,
Ko na riki b'a ara uea?
15Ao e taku te aroka ae kateketeke,
Ngkana kam bon tangirai
b'a N na riki b'a ami uea,
ao kam na nakomai nako aan nuu
ao N na kaawakiningkami
Ma ngkana kam m'am'anaai,
ao N na kauraa te ai
are na rakanako ma n tiringi
tiiran Reb'anon.
16-18E anga maiuna Kiteon i bukimi ngke e buakaniia kaain Miiria ni kamaiungkami. Ao ngkami, kam akoia ana utu ni kabooa mwiin ana m'akuri i bukimi? Kam bon aki, ma kam buakaniia ana utu ao kam tiringiia natina m'aane ake itingaun i aon te b'a.
Tera riain kaueakin Abimereka, b'a bon natin tamau ma ana toro te aine. Ma ti i bukina ngke ami koraki, ao kam a karikia naba b'a uean Tekem.
19Ma ngaia are, ngkami aika taan kairiiri mai Tekem, ngkana kam karaoa ae riai nakon Kiteon ma ana utu n aron are kam bon riai ni karaoia, ao I taku b'a kam na uaia ni kakukureingkami bon i marenami n tatabemani ngkami nako ma Abimereka.
20Ma ngkana e aki riai are a tia ni karaoaki nakon Kiteon ma ana utu, ao I tataro b'a e na tiringingkami Abimereka n te ai, ao ngkami kam na karaoa naba anne nakoina.
21Ao e birinako Iotam ni maeka n te kaawa are Biia, ike e na mano iai mairoun tarina are Abimereka.
Kamaunaan Tekem Iroun Abimereka22Bon te kam'aanta Abimereka n te taanga n tautia ni Iteraera i nanon 3 te ririki,
23-24n te tai are E nang katuaaea iai te Atua ma taani kairiiri i Tekem i bukin tiringaia natin Kiteon ake itingaun.
Ma ngaia are, E karikiia taani kairiiri te Atua b'a a na manga kaaitaraa Abimereka.
25Ao i mwiina, a kanakoia tabeman m'aane b'a a na karabaia i taubukin taian tabuki b'a a na karaniia ana taanga ni buaka Abimereka, ao tabeman b'a a na iraei aia b'ai aomata ake a nakonako i nanon te kawai. Ma e reke iroun Abimereka aia waaki arei.
26Ao n te bong teuana, ao e nako ni maeka Kaara are natin Ebeta i Tekem. Ao a m'aing naba tarina nako ikekei, ao n te tai ae aki maan, ao a moanna ni mwiokoaki irouia taani kairiiri i Tekem.
27Ao e a roko tain taian uaan te kureebe, ao a bane nako kaain Tekem nakon aia nne n aroka ni kureebe ma ni kiniki uaan aia kureebe. A katikui aia kureebe n te tabo ni kamanti kureebe, ao a nakonako i aoia ni katinakoi raniia i bukin karaoan te wain. Ao i mwiina, a nako n rin n temboran atuaia ao a karaoa te bootaki n am'arake ae korakora. Ao a m'aiti ake a am'arake ma ni mooi, ao a karereantia Abimereka.
28Ao e taku Kaara:
Amora boni ngaia are kunea Tekem, ma ngaia are, e na riki temanna mai rouia kanoana b'a ara uea. Ma taman Abimereka bon Kiteon, manangaia are bon tiaki raora Abimereka. E na aki riai n riki b'a ara uea, ti na aki ongotaeka i rouna ma Tebura, are tautaekana Tekem i bukina.
29Ngke tao arona b'a te tia tautaekana Tekem ngai, ao N na bon kakaaea angan kab'akaan Abimereka. N na kaangai nakoina, Kam'aitiia riki kaain am taanga ni buaka, ao ti na bon tokanikai naba i aom.
30Ao e un Tebura ngke e ongo ana taeka Kaara.
31Ma ngaia are e kanakoa te rongorongo nakon Abimereka, ao a bakaaea te karaoi b'aai tabeua b'a a kaawa n aki kariaiakaki b'a a na otinako mai Tekem. Ao Tebura e tuangiia ana tia uarongorongo ni kaangai:
E tia n roko i Tekem Kaara ma tarina nako, ao a tia ni manonoia kaain Tekem b'a a na rinea Kaara b'a e na onea mwiim n tautaekana Tekem.
32Ao aei te b'ai ae ko na karaoia. Ko na kairiia am taanga ni buaka mai ikai n te tairiki ma ni karabaia n taian tawaana.
33Kam na kautim'aakai ngkami n te ingabong are i mwiina ngkana e a oti taai, ao otinako man te tabo ake kam karabaingkami iai ma ni buakana te kaawa. Ane a na otinako ana koraki Kaara ni buaka ma ngkami, ma ko na bon tokanikai i aoia.
34Ma ngaia are, n te tairiki teuana, e kairiia ana tautia Abimereka nako Tekem. E bwenauaia nakon 4 te m'akoro, ao a bane ni karabaia i rarikin te kaawa.
35Ao n te ingabong are i mwiina, ao e otinako Kaara n te tabo ae uki i rarikin mataroan te kaawa. Ao a otinako ana taanga ni buaka man taabo ake a karabaia iai,
36ao e nooriia Kaara. Ao e teitei Tebura i rarikina, ao e taku Kaara nakoina, Tebura, ti te bo ma taraan te aomata ae m'aiti baikekei aika ruorikaaki mai taberan maunga.
Ao e taku Tebura, Tiaki, bon nuun taiani maunga. Ti te bo ma taraan taian aomata aika kakam'akuri.
37Ao e a manga taku Kaara, Ao noora ikekei, iai aomata aika ruo man te maunga are tabu, ao iai te korakina akana manga roko man te kawai man te aroka are a taetae iai aomata ma tamneia aika mate.
38Ao e taku Tebura, Tera manenan am taeka ni kamoamoa? Bon temanna ngkoe ae ko taku b'a e aki riai Abimereka ni uea i aon Tekem. Ao arei te taanga ni buaka ake ko b'ainingareia.
39Ao a otinako Kaara ma taani kairiiri mai Tekem ni buakana Abimereka.
40Ao n te tai ae aki maan, ao a biri rikaaki kaain Tekem nakon aia kaawa. Ma a bon rangi n tena ana taanga ni buaka Abimereka i akuiia ao a tiringiia angiia i aon kawaia ngke a biri rikaaki.
41E tiku Abimereka i Arum'a, ao e kanakoia Kaara ma tarina mai Tekem Tebura.
42Ao n te ingabong are i mwiina, a katauraoi kaain Tekem b'a a na m'akuri n aia katawanang n aroaroia n taai nako, ma iai ae kaongoa Abimereka.
43Ao e bwenauaia ana taanga ni buaka Abimereka nakon 3 te koraki e karabaia ana taanga ni buaka i rarikin te katawanang i rarikin Tekem. Ao ngke a otinako aomata man te kaawa, ao a karina ni biri ana taanga ni buaka man taabo ake a karabaia iai ma ni buakaniia.
44Ao e biri Abimereka ma ana taanga ni buaka nako mataroan te kaawa, ao ake te korakina a buakaniia aomata ake n taiani katawanang.
45Ao a buaka ni katoa bong ma ana taanga ni buaka i Tekem ni karokoa mateia kaain te kaawa ni kabane. Ao e kab'akai taian auti ma kateitei ao a kamrarai taian taoro ana tautia n taabo nako.
46Ni bon boongi naba akekei, ao a ongo taekan te buaka taani kairiiri n ana tembora Eri Berita i Tekem. Ma ngaia are, a nako n rin n nonon te tembora,
47ma e reke te tabo are a mena iai iroun Abimereka.
48E kairiia ana taanga ni buaka nakon te Maunga are Taremon, ike a anai aia angaraa man koroi m'aangan kaai. E katokaa te m'aanga i aon angana ao e takaarua ni kaangai, Kawaekoaingkami, koroi taiani m'aanga ao karaoa ae I karaoia.
49Ao a iranako Abimereka n okira Tekem ngke a bane n reke aia m'aanga ni kai. A kab'arikoirake aia m'aanga ni kai i rarikin te nono ao a kauraa, ni kabuoki taian nono ma n tiringiia e kaaniia 1,000 te m'aane ma te aine.
50Ao ngke a tia ni kamaunaa Tekem, ao e m'ananga Abimereka nako Tebeti. E katobibia te kaawa ma n taua.
51Ma iai teuana te nono ae rangi n rietaata i nuukan te kaawa, ao a rin iai taani kairiiri ma aomata ni kabane. A kaina te mataroa ao a tam'arake nakon taubukina are boraoi.
52A kabirim'akaia Abimereka ma ana taanga ni buaka nakon te nono ma ni kataia ni karekea riniia. E kataia Abimereka ni kauraa mataroan te nono, ae te kai ae rawaawata,
53ngke temanna te ateiaine e a ti kab'akaaki naba te b'a ae buubura i aon atuuna, ao e tabwena tab'anouna.
54Ao e uakaan ma ngaia te tautia are e uouota ana b'ai ni buaka, ao e taku nakoina, “Buuta am kabaang n tiringai. I aki tangiria n taekinaki b'a I mate iroun te aine.”
Ma ngaia are, e anaa ana kabaang te tautia arei ma n ewara iai Abimereka.
55Ao ngke a nooria Iteraera ae e a mate aia tia kairiiri, ao a okira mwengaia.
56Ao anne aron te Atua ni katuaaea Abimereka i bukin tiringakiia tarina ao kamamaaean ana utu tamana.
57Ao E katuaaia naba kaain Tekem i bukina ngke a boutokaa Abimereka. A bane ni koro bukin ana taeka ni kamaraia Iotam.
Who We AreWhat We EelieveWhat We Do
2025 by iamachristian.org,Inc All rights reserved.
