Taian Areru 32 - Kiribati New Version Bible

(Ana Areru Tawita.)Te Rairannano ao te Kab'arabure

1A kab'aia akana kab'araki aia bure,

mani kamaunaaki aia kairua.

2E a kab'aia te aomata ane aki kabuakakaaki iroun te UEA,

Ane akea naba te aro ni m'am'anaa te aba i rouna.

3Ngke I aki kaoti au bure,

Ao e mamara rab'atau i bukin tangu ni korakai ni kabongnga.

4Ko karawawataai ni ngaina ao ni bong;

ao E kerikaki n akea nikirani korakorau,

n ai aron ae e m'auteretere ni kabuebueni bongin te aumeaang.

5I kaoti au bure nakoim,

Ao I aki karabai au kairua;

I kataua te kaoti taekaia nakoim,

ao Ko kab'arai au bure ni kabane.

6Ma ngaia ae a riai akana tangiriko n tataro nakoim n taai ake a kai nanoia iai;

Ao ngkana a roko kaangaanga b'a kanga ai aron rokon te ieka,

Ao a na bon aki rotaki iai.

7Boni nneu ni karabai Ngkoe;

Ko na kamaiuai man te kaangaanga.

I anene n takaruaea taekan am Kamaiu,

I bukina b'a Ko kamanoai.

8E kaangai te UEA, N na kaota te kawai ae ko na nako iai;

N na riki b'a am Tia Reirei, ao N na tarataraiko.

9Tai nanobaba n ai aron te aoti ke te miure

ake a tangira kairakiia mani kabaean ubuia

b'a a aonga n ongeaba.

10Ane a na taonaki n te rawaawata aomata akana buakaka;

Ma a na kawakinaki raoi akana onimakina te UEA

n ana tangira ae teimatoa.

11Kam na kukurei ma ni kakatonga, ngkami akana kam raoiroi,

i bukini baika E a tia ni karaoi te UEA.

Ao takaakaa ni kakatonga, ngkami akana kam ongeaba i rouna!