Tekaria Taekan te Boki aei - Kiribati New Version Bible

Taekan te Boki aeiTe burabeti ae Tekaria e kab'arab'ara ana taeka te UEA nako ia Iutaia ake a okirikaaki man te kataenikaiaki i B'aburon. N ai aron ana kauatabo are Akai, e kaungaia aomata b'a ana onimakina te UEA ao ni manga katea te Tembora. N ai aron m'aitiia burabeti ake mai m'aina, ao e tabeaianga nanon Tekaria n aron aia aaro ni kaitiaki Iutaia ake a oki man te kataenikaiaki ao aroia ni kairiri aia taani kairiri. N arona ni kan kaungaia te botannaomata, ao e kataia Tekaria ni kab'arab'arai wanua kario ni mii are e a tia ni karekei mairoun te UEA, ni kamatoa ana tangira ma ana tararua te Atua i bukin Ierutarem ma ana aomata, ao ni kantaninga kaokan aron mimitongin ma korakoran Iteraera. Kario ni mii aikai a bon kaotia naba b'a antai ae na tautaeka i Iuta. Terub'abera e na riki b'a te kowana ao Iotua e na riki b'a te ibonga ae rietaata. Ni kauouan iteran te boki ae Tekaria ao e bon taekinaki taeka ni burabeti i bukin boong aika ana roko are E na kona te UEA ni katuaaia ana kairiribai Iteraera, e na kainaomataia ao ni manga bootia aomata, E na kakorakoraia ana taani kairiri Iteraera, ao ni manga kaoka aron Ierutarem b'a ana tabo te UEA ae mimitong.Oi n iango i aon te boki aeiTe Moani Mii: Taian Aoti Ma Taan Toka i aoia (1.1-17)

Te Kauoua Ni Mii: Koron taiani man (1.18-21)

Te Katenua ni Mii: Te koranikaeti (2.1-13)

N te Kaaua ni mii: Iotua ao Tatan (3.1-10)

Te Kanimaua ni mii: Kaintein te taura ao te aroka ae te oriwa (4.1-14)

Te Kaonoua ni mii: Te niira ni boki ae e kiba (5.1-4)

Te Kaitiua ni mii: Te aine i nanon te b'aene (5.5-11)

Te Kawanua ni mii: Kaa ni buaka ake aua (6.1-8)

Te tanginiwenei ao bootaki ni kukurei (6.9—8.23)

E na kamaiuia ana aomata te UEA ao E na katuaaia aia kairiribai (9.1—11.3)

Taani Kaawakin tiibu aika akea manenaia taani kairiiri i Iteraera (11.4-17)

Ana tokanikai Ierutarem (12.1-9)

A na tanginiwenei aomata ma n okira te UEA (12.10—13.9)

Te Kabanea ni buaka ao Ana tokanikai te UEA (14.1-21)