1Te Atua, Ko na reireina te uea am Motikitaeka ae Eti,
Ao buokanib'ai ma ngaia n am Kaetitaeka ae e raoiroi,
2B'a e aonga n tautaekaniia am Botannaomata n te eti,
Ao n tau aroia am Aomata akana b'ainikirinaki n te babaire ae raoiroi.
3E bia roko marin aon te aba,
ao e bia namakinaki te kaetitaeka ae eti.
4E bia motiki taekaia akana
kananoanga te uea ma te aki nanonano;
E bia buokiia akana a kai nanoia, ni katoki tabareia akana a iowawa nakoia.
5A bia teimatoa n toro iroum am Botannaomata n ai aron teimatoan taai ni kaotiota ootana,
ao n ai aron naba nam'akaina n angaanga ootana nakon rooro ma rooro.
6E bia riki te uea b'a kanga ai aron te karau ae b'aka ni kamaiu kain am'arake,
ao ni kam'aim'aa aon te aba.
7E bia rikirake te maiu ae e raoiroi irouia aomata i nanon ana tai ni maiu,
Ao e bia teimatoa rereken te kab'aia irouia aomata n ai aron teimatoan nam'akaina n angaanga ootana.
8E na raababa nako ueana nakon tokin tiani marawa,
ao man te karaanga are te Iuberetiti nakon tokin tabon aonnaba.
9Ane a na bobaraaki i matana ni karinea akana maeka n te rereua;
Ane a na tae aia kai taan ribaia.
10Ane a na anganna b'aai n akoi uean Tibein ma abam'akoro;
Ane a na uoti naba nakoina b'aai n tituaraoi uean Tieba ma Teba.
11Ane a na bane uea ni bobaraaki i matana ni karinea;
Ao ane a na bane n toro i rouna botannaomata.
12E kamaiuia akana kananoanga akana tangira ana buobuoki,
ma aomata naba akana b'ainikirinaki ao akana a kakaki taekaia.
13E nanoangaia akana mamaara ma akana
akea aia b'ai,
Ao e kamaiuia akana a kai nanoia.
14E kamaiuia man te karawawataaki ao man te b'ainikirinaki;
A kakawaki i rouna maiuia.
15E na tei maan maiun te uea!
E bia anganaki te koora mai Tieb'a;
A bia tatataro i bukina aomata;
E bia kakab'aiaki iroun te Atua n taai nako!
16A bia bati uaa i aon te aba;
A bia kirimto uaa i aon tabuki,
n ai aron uaan aon Reb'anon.
A bia kaonaki nanoni kaawa irouia aomata,
n ai aroni kaonan aon te aba n uteute.
17E bia ururingaki arana n aki toki;
E bia teimatoa ataakin arona kanga ai aron teimatoan taai.
A bia butia te Atua botannaomata nako b'a E na kakab'aiaia,
n ai arona ngke E a tia kakab'aia te uea.
18Kamoamoa te UEA, ae Atuan Iteraera!
Ti Ngaia ae karaoi m'akuri aika kamimii aikai.
19Kamoamoa n aki toki arana ae mimitong!
E bia buta aonnaba ni mimitongina.
Amen! Amen!
20Aio tokin ana tataro Tawita are natin Iete.
Who We AreWhat We EelieveWhat We Do
2025 by iamachristian.org,Inc All rights reserved.
