1I nanon te nam'akaina ae Nitan i nanon ana kauabwi n ririki Atatokititi ni uea, ao I touatina nimana te wain, n aron are I a bon tia ni kaakaraoia mai m'aaina. Ma bon aio te moan tai ae I a tib'a taraa n nanokawaki iai i matana.
2Ma ngaia are e taku te uea, “E aera ngkai ko a taraa n nanokawaki? Ao ko aki taraa n aoraki. Tao iai te b'ai ae e rangi n tabetabe nanom iai.”
E ngae ngke I maaku,
3ao I bon kaeka naba, “Teuae ko karineaki, Bon au kaantaninga b'a ko na maiu n aki toki! I nanokawaki i bukin au kaawa are e buubura ike a taunaki iai au bakatibu b'a e a urubekebeke, ao a tia ni kabuokaki mataroana ni kab'akaaki.”
4Ao e taku te uea, “Ao tera ae ko tangiria b'a n na karaoia?”
I tataro nakon te Atua are e taua taekan karawa.
5Ao i mwiina, ao I a tuanga te uea, “Teuae ko karineaki, ngkana e raoiroi, ao ko na kanakoai n okirikaaki nako Iuta, b'a I aonga ni konaa ni manga katea te kaawa are e buubura arei ike a taunaki iai au bakatibu.”
6Ao e tekateka te ueanaine i rarikin te uea ngke e titirakinai ni kaangai, “Tao a na maanra ao ko a manga oki?” Ao e kukurei te uea ni kanakoai, ao I tuangnga te tai are n na manga oki iai.
7Ao i mwiina, I titirakinna, “Teuae ko karineaki, ko kukurei n anganai taian reta nakoia taiani kowana n te burawinti ake i maeaon te Karaanga are Iuberetiti, b'a I aonga ni konaa ni m'ananga nako Iuta n akea te kangaanga?
8N na bon kainanoi taiani kai i bukin manga karaoan mataroan taian nono ake i rarikin te Tembora ao kaai riki tabeua i bukin katean oon te kaawa ao i bukin karaoan te tabo naba ae n na maeka iai. Ma ngaia are, I tangira te reta nakon Ataba are e tararuaa ana buakonikai te uea.” E karaoa ae e raoiroi te UEA nako iu, ai ngaia are, e karaoi b'aai ni kabane te uea ake I buubutiia.
9Ao te uea, e kanakoia tabeman taian aobitia n te taanga ni buaka ao te taanga ni buaka ake taan toka i aoia aoti b'a a na irai, ao ngke I m'ananga i nanon Burawinti Maeao, I anga taian reta nakoia taian kowana.
10Ma ngke a ongo Taneb'arata mai Oron ao Tobia are te mataniwi i Ammon e ongo te b'ai are e riki, ao a rangi ni maraki nanoia, i bukina b'a a aki tangira temanna b'a e na buokiia Iteraera.
Tuoakin Oon Ierutarem Iroun Neemia11Tenibong te bong i mwiin rokora i Ierutarem,
12ao I teirake n te tairiki teuana ao I kiitana au auti. I kairiia tabeman m'aane ma ngai, ao akea temanna ae I tuangnga b'a tera ae e tangiria te UEA b'a n na karaoia nakon te kaawa are e buubura arei. Ti raou n te tai anne bon te aati are I toka i aona.
13I ri nanon te Mataroa are M'arua are i maeao, ao I a manga nako aiaki ri rarikin te Koburake n ran are Raakon, i m'aain rokou nakon te Mataroa are Kaabiti.
14N iteran te kaawa are e buubura are mai mainiku, ao I kaineta meang nakon te Mataroa are Koburaken Ran ao ana Nei n te Tebotebo te Uea, ma e a aki konaa n rin au aati b'a e a rangi n irariki te kawai.
15Ma ngaia are, I a ruorikaaki nakon te M'arua are Kiteron ao I taraa te oo mai ikanne. Ao i m'aain otin taai ao I a karairaki nakon te kaawa n ri nanon te Mataroa are M'arua.
16Bon akea temanna mai buakoia mataniwi n te kaawa are e buubura anne ae e ataa au iango. Ao I bon aki kaongoa naba temanna te I-Iutaia—ke te ibonga, ke taani kairiiri, ke taiani mataniwi, ke taian I-Iutaia ake tekorakina ake a na buoka te m'akuri.
17Ma ngke I a okirikaaki, ao I taku nakoia, “E a bon rangi ni urubekebeke Ierutarem n te koaua! A tia n uruaki mataroana ma ni b'aka ma ni buee, ao a bane b'aai nako ni uruaki. Ti a riai ni manga katea oon te kaawa b'a ti aonga ni manga kakatonga n ara kaawa ae e buubura aei.”
18Ao I a kaongoia aron ana akoi te Atua are e a tia ni karaoia ma ana taeka te uea nako iu.
Ao a waekoa ni kaeka ni kaangai, “Ti a waakina ara kateitei ngkai!” Ma ngaia are, a katauraoi b'aai ni kabane.
19Ao ngke a ongo Taneb'arata, Tobia ao Ketem are kaain Arabia ara iango ao a waakina aia taetae ni kamaraki nanora ao a taku, “Ani bon taraingkami! Kam iangoia b'a kam na manga katea oon te kaawa ma n kaaitaraa te uea?”
20Ao I taku, “Bon ana toro te Atua ae e tautaekana karawa ngaira, ao ti na bon kakororaoa ara m'akuri. Ti na manga moana katean Ierutarem, ma bon akea ami b'ai n ana b'ai nako, b'a bon akea tib'angami n rongorongona.”
Who We AreWhat We EelieveWhat We Do
2025 by iamachristian.org,Inc All rights reserved.
