Taian Areru 28 - Kiribati New Version Bible

Te Tataro i bukin Ana Buobuoki te UEA

1Te UEA, ae nneu ni katantan,

I weteiko; ongo b'anaau!

Ngkana Ko aki kaekaai,

ao N na ruo naba nakon aia aonnaba maate.

2Ongo irou ngkana I tabeki rake baiu

ni kaitaraa am Tembora

n au tai n tataro,

B'a I tangira buokau mairoum.

3Tai uakinai nako

ma akana iowawa,

akana taetae ni wii-raraoi nakoia raoia,

ma ribakiia ae raba i nanoia.

4Ko na karawawataia i bukini baike a tia ni karaoi,

i bukin m'akuri ake a buakaka.

Katuaeaia i bukin aia m'akuri ni kabane:

anganiia booni mwin aia m'akuri ae a tia ni karaoia

5B'a a aki mutiakin ana m'akuri te UEA,

ke baike E a tia ni karaoi;

ma ngaia ae E na karawawataia,

ao E na kamaunaiia n aki toki.

6E na kamoamoaaki te UEA!

b'a E ongo tangu i bukini kani buokau.

7Boni korakorau te UEA ao otangau;

I onimakinna.

E anganai buokau, ao E kakukureiai.

I anene ma te kim'areirei ni kamoamoaa.

8Te UEA boni korakoraia ana Aomata,

ao nena ni kamaiu te uea ae rineaki i rouna.

9Te UEA, kamaiuia am botannaomata;

ao kakab'aiaia te koraki akana am b'ai.

Ko na riki b'a te tia kawakinia n ai aron te tia kawakin-tiibu;

ao kawakinia n aki toki.