1Bon ana b'ai te UEA aaba nako, ma kanoaia;
te aonnaba ma ake a maeka iai.
2B'a E katea aonnaba i aon taian taari,
ao E kawenea aana i nanoni marawa.
3Ai antai ae na ararake n ana maunga te UEA?
Ao ai antai ae na tei n ana Tabo are Tabu?
4Bon ane karaoa ae e raoiroi ao e itiaki nanona;
ane aki taromauri bouannanti,
ke n taetae n tuea n te aro ni kewe
5E na kakab'aiaki ma ni kamaiuaki iroun te UEA;
E na atongaki iroun te Atua b'a akea ana bure,
6i bukina b'a e taromauria Atuan
Iakob'a ao e toro i rouna.
7Kabane ukini mataroa
aika mangkoangkoa;
b'a E na rin te Uea ae kakannato.
8Antai te Uea ae kakannato aei?
Bon te UEA ae te tia buaka
ae korakora ae m'aaka!
9Kabane ukini mataroa,
ake mangkoangkoa,
b'a E na rin te Uea ae kakannato.
10Antai te Uea ae kakannato aei?
Te UEA ae Moan te M'aaka-Boni Ngaia te Uea ae kakannato!
Who We AreWhat We EelieveWhat We Do
2025 by iamachristian.org,Inc All rights reserved.
