2.I-Korinto Taekan te Reta Aei - Kiribati New Version Bible

Taekan te Reta AeiE koreaki te reta aei n te tai are e nako buaka iai B'auro n arona n reitaki ma te ekaretia i Korinto. Iai tabem'aang i buakoia ake a ekaanako B'auro; ma e kaota nanona ni kan raoi ma kukureina ae moan te bati ngke e a reke te raoi i rouia.Ni moan iterani kanoan te reta, ao e a taekinaki iai aroni B'auro ni kab'arab'ara bukin te baere e rangi ni matoatoa iai n ekianako te koraki ake a rangi n tataetae n taeka ni kamatauninga ma taeka ni kabotoa, ao e a taekinaki naba iai aroni kukurein nanoni B'auro i mwin are e karaoia nako iai, b'a iai te raraoma n nano ao te raoiakinaki. Ao i mwina, e butiia te ekaretia b'a a na anga aia b'aintangira i bukiia Kristian ake a kainano i Iutaia. Ni kabaneani m'akoro n te reta, ao e a taekinaki iai aroni B'auro ni kaotia b'a bon te tia tuatua ngaia, ao e kab'arab'ara arona aei nakoia tabem'aang i Korinto ake a taku b'a bon taan tuatua ni koaua ngaiia ma tiaki B'auro.Oi n iango i aon te boki aeiAna Taeka ni Kaitau B'auro nakon te Atua 1.1-11

B'auro ao te Ekaretia i Korinto 1.12—7.16

Te B'aintangira i bukiia Kristian i Iutaia 8.1—9.15

Ana Taeka B'auro i bukin Nakoana n Tia Tuatua 10.1—13.10

Kabanea n Taeka 13.11-13